小珏霖由上星期一開始作病, 上星期二嘅第二期第一堂幼潛去唔到喇!!!
尋日呢??? 係就係好好多喇~~~ 不過都係有d咳, 而且見呢排d菌咁犀利, 唔好影響到人地喇, 所以又請多一堂病假喇~~~ 梁ee今日都打比我地喇~~~ 希望下星期上到啦!! ^.^
已經成10日無周圍去喇..... 好鬼悶呢......
dadi威話部相機今個月唔抵呢~~~ 不如同仔仔豬出去抖吓氣, 玩吓, 影吓相啦~~~
yeah~~~ 所以, 我地尋日下晝出發喇~~~ ^.^
阿仔而家坐巴士自己坐一個位喇~~~ 每次上巴士都係佢幫我拍八達通添呢!!! 
mami就陪住佢講吓周圍d車車名..... 佢好留心睇街街呢~~~
到喇~~到喇~~~ 近近地我地就去左荃灣~~~ 仔呀??? 做乜坐到咁咖???
去到見到鸚鵡攻擊完得番一隻福娃仲企定定咋~~~ ^.^
一放低係地下就生猛晒喇~~~ ^.^
行過mami度攬吓先~~~
mami示範跳跳跳~~~
個傻豬見我跳跳跳笑得好開心呢~~~ hehe~~~
仲好努力想學我跳添呢~~~ 見唔見佢個腳跟呀??? 有無少少離地呢???
哈哈~~~ 仲跳到跌跌添呢~~~
唔怕唔怕!!! 跌吓學吓, 好快就可以同dadi mami一齊影跳跳相咖喇~~~
dadi影左好多好多相呢~~~ 好多我都好鐘意呢!!!! 仔仔豬大個左好多咁呢, 多左好多表情呢~~~ 呢張係咪扮踢波呢???
勁開心傻笑~~~
古惑樣~~~
諗到d乜呀???
原來佢以為自己成功跳跳跳呢~~~ 哈哈!!! 以為自己蹲低起身就等於跳跳呢~~~
傻豬仔~~~
haha~~~呢期問佢鼻鼻呢??? 佢就會咁!!! 不過有時會插埋入個鼻哥呢~~~ 
跟住行入少少有個playground~~~ 又玩吓先~~~
行行行~~~
玩單槓~~~
玩鴨鴨~~~
玩左陣就成頭濕晒喇~~ 已經就快天黑先去咖啦~~~ 飲多d水水先~~~
最後, 有位mami帶左bubbles黎吹呢~~~ 全埸小朋友都好興奮呢~~~
傻豬霖唔夠其他哥哥姐姐大個, 追唔到d bubbles呢~~~ 不過佢都好開心呢~~~
天黑喇, 走喇~~~ 下次再玩過啦!!! 行吓行吓, 小珏霖對住個地下係咁講野呢!!!
原來佢而家對地下嘅影好有興趣呢!!! 我地又企係度同佢玩左陣影子戲~~~ ^.^
dadi影左兩張我地一家嘅影~~~ ^.^
可以出街玩吓散吓心真係好呢~~~ 好lumlum呀~~~ 我地又再plan吓去邊玩先!!!
仔呀仔!!! 我地無食西藥兩日喇!!! 希望猴棗散可以幫你化埋d痰, 快d咳好啦~~~ 加油呀!!! ^.^ 好番晒我地又可以約d好朋友仔一齊玩吓喇~~~ ^.^
沒有留言:
張貼留言