個腦點呢??

電腦篇 :

星期四晚壞左.....

星期五同老爺一齊搬左兩部腦出去佐敦整....

星期六, 竟然救得番我部機喎.... 不過老爺嗰部無得救喇.... 下晝老公仲搬左部機返home, 然後係我地係bb表叔home之時駁番好添.... 今晚返黎揍完仔發現佢好番喇!!! ^.^ 好開心呢~~~ 

不過... 我地已經打算部電腦瓜左嘅, 我地砌過部好d快d嘅....

所以, 應該星期一又會再將部腦搬返去佐敦, 等師傅砌部新嘅加安裝, 兼將呢部好番嘅腦重新安裝比老爺用....

所以, 可能都係有幾日寫唔到blog呢......  

人腦篇:

近期發生嘅事, 曾經令我好震驚, 好失望, 好唔開心......

當中有事實, 有誤會, 有誇大, 有唔係事實.....

我都係選擇左唔睇, 唔理, 唔回應, 唔參與....... 

我個腦就轉轉轉, 諗諗諗, 反省左一餐, 覺得自己真係有好多野需要學習, 尤其是講野技巧, 我真係有嗰句講嗰句, 得罪人自己都唔知....

希望各位朋友, 有乜說話令你唔開心唔舒服, 就直接同我講啦!!!

而如果我之前令你唔開心嘅, 真係sorry!!! 請相信我係真係無心傷害任何人!!!

寫呢個blog, 開頭係自己開始無返工, 打算記低自己諗嘅野, 研究吓自己嘅夢想, 攞吓其他人嘅意見~~~

然後因為有左小珏霖, 變左記低左大肚時嘅點滴, search左好多mami嘅blog, 偷定師, 學吓做人mami, 仲結識左好多blog友~~~ ^.^

到真係生左小珏霖, 就變左仔仔豬嘅生活記錄!!! 仲有好多親戚朋友都會上黎睇吓仔仔, 好多時, 真正見面時大家都覺得係睇住珏霖長大嘅!!! ^.^

眨吓眼, 都寫左兩年blog喇~~~  

寫左blog之後發現, 原來日日都係有好多開心野可以記錄!!!

原來隨時可以search番自己寫過嘅野, 真係好方便!!! 隨時可以睇番自己之前寫過嘅blog又好開心!!

識到好多朋友, 真係bonus!!! 多數都係blogger mama, 大家都係想比小朋友開開心心咁一齊玩一齊多d活動!!! 可以分享吓大家嘅經驗, 心得, 真係好珍貴嘅呢!!! 

而仔仔豬愈來愈大, 上blog上網嘅時間真係愈來愈少, 好多時想去睇吓大家d blog都無乜時間喇~~~ 逐個回應去回覆就更加無可能!!! 上msn已經係好耐好耐之前嘅事喇!!!

諗住打少少, 點知... 又愈打愈多.... 都唔知道其實自己想講乜喇!!!

總之, cary就係cary!!! cary's blog就係我個blog!!! 可以係度寫我一切想寫嘅野!!! lumlum!!!  ^.^

我好愛錫自己好愛錫我嘅家人朋友!!! 好愛錫我個寶貝仔!!!!  希望大家都開開心心, 健健康康, positive d~~~ 遇到樣樣事都係lumlum事, 唔lumlum事就快d掉左去, let go~~~