MilkShake計劃成功左

為左令仔仔豬接受奶粉嘅"MilkShake Shake計劃"成功左喇~~~!!

自從第一次係行行媽屋企睇到本食譜介紹呢個生果奶昔, 而行行媽即刻試下製作一個香蕉奶昔比仔仔!!! 我地見到佢攬住飲晒之後!!

每一日, 我都整一杯比仔仔豬飲!!!

圖中嘅就係木瓜奶昔喇~~~

睇下佢飲得幾努力~~~ ^.^ 

原本係每日一杯做下午茶嘅, 不過, 呢期仔仔豬好早起身!!! 7點幾食完MAMA MILK, 無理由等到12點幾1點先食粥粥咖!!!

於是, 就變左10am早餐milk shake喇~~~

點知, 尋日朝早, 去church之前, mami打算搵生果比佢shake時, 佢見到杯奶奶已經好開心咁喇~~~

咁我就諗... 不如就咁比奶粉奶奶佢試下飲啦~~~

佢之前會即刻推開咖嘛, 如果佢真係唔要, 先再切香蕉shake啦!!!

點知.... 佢飲左啖, 諗下野, 再飲啖, 跟住.... 就飲左4安喇~~~

嘩~~~ 嗰一杯奶奶嘅時間, mami嘅感覺真係好複雜呢~~~

睇住仔仔豬飲奶粉, 接受奶粉, 諗緊, 佢就快可能可以戒mama milk喇~~~ 我可能就快唔洗做奶媽喇!!! 有d唔捨得, 又有d開心!!

今朝, 我地又再一次實驗, 仔仔豬又飲晒5安奶粉喇!!! 好開心唔洗迫佢, 佢自己揸住隻combi杯, 啜啜啜咁飲晒!!! ^.^

想問下各位mami, 你地bb而家一日幾多餐奶奶咖???

我而家早晚mama milk, 10am一杯奶粉, 1pm粥粥, 7pm粥粥, 下午茶仲奶唔奶咖???