今日睇到小瑜MAMI篇: Full Time Mami心聲!! 有感以發, 回復佢都一大篇, 不如又開篇blog記低自己呢一刻嘅感覺啦!! ^.^
好似眨下眼咁, 仔仔豬聽日就6個月大喇!!! 做左人地mami已經6個月喇!!! 睇番轉頭覺得好快咁, 但係回望番真係用左好多心機
, 仲瞓少左好多覺
, 少左好多娛樂
, 同埋同老公多左好多爭執!!
一直提醒自己要做個開心mami, relax d, 仔仔豬就會健康d, 開心d!! 不過點都係阿媽, 好多野都好上心好緊張!!
好似仔仔豬尋日突然起敏感咁, 成腳都係, 嚇c我呀!
! 我咁大個女都無出過呢d"風lan"咖嘛, 不過dadi威話好少事啫, 唔洗咁緊張啦!! 觀察下先啦咁!!! 佢有佢道理, 我又有我觀點!! 呢d情況以前好少發生, 而家有仔仔之後一日都不知發生幾多次!!! 唉~~~ 好彩我地乜都會講, 乜都傾番, 所以好快又無事
!! 最緊要係對仔仔好嘅就得啦!!!
跟住今日仔仔豬仲有幾聲咳, 同有少少鼻水, 敏感就退左好多喇!! dadi & 爺爺嫲嫲都話再觀察下先啦!!!
不過結果我都選擇左同仔仔豬去左睇醫生, 比自己買個安心都好嘛!!! 你話我緊張都係咁話啦!!! 
原來仔仔豬有d病毒感染, 有少少傷風咁啦, 肺同氣管都ok, 而身體就會自己抗戰, 抗體打到自己d皮膚就會起"風lan"喎!! 唔係食物敏感都無咁擔心!! 唉!!! 又要食藥喇!! 不過一收左鼻水同止左咳就唔洗再食喇!!! 希望食一兩次就ok啦!!!
講番fulltime mami嘅生涯, 一星期7日, 日日24小時!!! 一d都唔容易!! 不過整體上我都做得好開心呀~~~ 可以日日夜夜睇住仔仔豬嘅成長, 每一刻都唔放過咁濟, 真係好lumlum呢!!!
不過有時同仔仔兩個係屋企, 真係覺得時間過得好慢咖, 不停重複:"餵奶, 換片, 同佢玩, tum佢瞓, 再餵奶......"咁, 都幾悶咖!!!
所以我就做左"哨街mami", 以前嘅cary其實好少行街, 寧願係屋企打吓機, 上吓網! 而家揍住bb, 就寧願出多d街喇!
雖然揹住個大冬瓜再加個mami袋周圍行都真係好攰好辛苦, 不過時間過得快d! 同容易過好多!! 好快就一日咁!!!
雖然有時怕出街多人多病菌, 但係遲早佢都要出街面對咖啦!! 早d打下仗, 儲備定多d抗體都好嘅!!
而且仔仔又可以多d野睇, 多d野學!! 見多d人又唔會咁怕"生保", 佢而家會周圍同人笑, 撩人同佢玩咖(包括巴士d阿叔, 哈哈!!)!!
或者遲d幾個fulltime mami輪流帶d bb去大家屋企比佢地一齊玩啦, 當play group咁啦~~~ haha~~~ 免費playgroup呀!!! 最多我帶住佢地玩喇!!! 
我覺得能夠自己揍大個bb係好叻叻咖, 而且可以自己揍大個bb真係好幸福咖!!! 就算要慳d洗, 或者有時仲辛苦過返工都係咁話!!! 不過, 遲早都係要出黎做野搵多d$$!!! 幾時先好呢?? 定係快d生多個好呢???
仲有呀~~~ 做fulltime mami有時都要抖下氣, 搵人幫手睇住bb, 自己去抖下, 唔係真係有時會攰到想發顛咖!!!
我而家又要多謝爺爺嫲嫲幫手睇住仔仔, 我先有時間打blog咋!!! 不過要學識身心都放低阿仔都唔容易, 之前放低左都好掛心, 其實都係休息唔到!!! 不過凡而家好d喇!!!! 可能仔仔又大個左d啦!!!
哈哈~~~ 我打到眼都花埋喇~~~ 都唔知道打左d乜喇!!! 總之就發洩完畢, 繼續努力做fulltime mami!!!! 加油加油~~~~!!! 希望仔仔豬快d好番!!! 一家人都健康開心lumlum!!!!! ^.^
Cary, 我好佩服full time mami仲加上係奶媽tim, 好勁. 我自問冇咩耐性縱使我好想揍. 而家制係餵奶問題上都同妹妹豬daddy aruge個幾次. 你好叻架啦, continue 努力加油呀!!
回覆刪除唉...我諗你最明白我心諗緊乜啦..我真係好想請大假去返個旅行...relax下..但真係無可能. ..我早排唔開心到想死呀......係真係想果隻...唉唉唉
回覆刪除Cary mami :
回覆刪除Add oil !
My baby also get sick.
KY
yeah, relax relax muimui la! I'm not sure about babies and medicine but sounds good if let baby have a chance to create antibodies on his own leh! add oil to relax and adjust your attitudes la! pray whenever you need ah, remember to lick your hands ah reiki can help you relax too ga!
回覆刪除Cary, you are really super. 無錯．仲要係人奶媽咪．．．．加油，支持你 ＾＾
回覆刪除你同貓貓講嘅都有諗過,不過都仲要試做FT Mami,我已經miss佐Tama仔第4-6個月,依家真係要追番,希望ok啦.
回覆刪除full time mami真係一d都唔容易, 真係要放低好多野, 同埋識得係生活入面搵到樂趣, 唔係真係會好悶ga....最緊要既仲有係身邊既人支持啦~~~我2位公子細時, 無自己落手落腳湊, 其實發覺真係會miss咗d野, 所以我宜家都plan緊做full time mami湊番佢地, 始終佢地大, 我想盡我既責任, 比佢地既人生路行得好d, 最緊要唔好行歪路.
回覆刪除我相信我地黎緊都會面對唔同既挑戰, 我地要一齊努力啊~~~
full time mami真係一D都唔容易,不過時間真係過得好快,而且陪住D仔女成長,真係好有滿足感...泛下眼...我已經做左10年full time mami喇！
回覆刪除其實我同你既感受差唔多，為左全人奶都不知流過幾多眼淚，唉...不過最後都得左阿，證明我地的堅持是沒白費的! 我每日的工作又是餵奶換片掃風，其實真係好厭倦好累，隻手又勁痛，不過見到阿b咁癡自己，個心真係好甜架!我同老公又係常為阿b d野吵，又毋左二人時間，但呢兩個月我放低阿b俾奶奶湊，兩公婆就常去二人世界，其實真係要架，阿b唔可以佔曬所有時間同心機而忽略兩公婆的感情! 我都煩僅生唔生多個好，但如果生都會等阿b兩歲先，我唔想咁快又要照顧初生bb而忽略左藍藍豬的成長過程，因為到時肯定超累，跟住球球期期咁去湊，唔會好似衣家咁一邊湊一邊去享受...大家一起加油阿!!
回覆刪除可以自己揍大個bb真係好幸福 -> 呢個point我真係好認同, 雖然我唔係full time mami, 但當好多時見小吉識既野, 都唔係我教佢既, 我真係覺得我呢個媽咪好失敗 , 雖然我都係一個怕悶既人, 但其實多左小吉之後, 我日日返工, 放工睇小吉, 放假就湊小吉, 我都無左好多娛樂, 只係比你地多左返工個一段自己/俾老闆既時間, 放工同朋友食餐飯, 我都有d罪惡感, 因為我放棄左返mami到睇小吉......... 所以雖然你地辛苦d, 不過你地可以睇到小朋友長大, 都算有一樣得著, 但我....... miss左好多小吉既成長, 依舊無娛樂, 又要擔心小吉, 我只係多左一份人工, 令生活好過一d, 其實呢d真係唔係我想追求, 無奈身邊人唔肯承擔埋我呢一份, 我只好繼續做囉.........
回覆刪除如果你真係有心想生多一個小朋友, 我覺得真係趁霖霖細生好, 因為我覺得, 2個小朋友一齊大, 你一齊捱, 總好過你捱完一個又一個......... 考慮下快d同威威生多一個喇~~
等我都要寫番篇full time mami的自白先！等我呀！
回覆刪除其實我真係好羨慕你架,我都覺得可以自己揍大個bb,每日睇住佢成長,真係一件好幸福的事呢!! 如果可以,我都真係寧願放棄工作,每日對住個仔呀!! 不過,當全職媽媽真係唔容易,好辛苦呢!! 所以,我真係好羨慕同好佩服所有全職媽媽呀!!
回覆刪除Cary 媽媽, 加油呀!!!
其實我唔選擇做全職媽媽0既原因...真係有d冇用...事關我好驚太困身, 而且又驚自己搞唔掂...除非生兩個啦, 咁就一定要番屋企湊仔...
回覆刪除我都覺得出街d時間真係好過d, 所以同你一樣唸法,情願攰d, 都要揹住阿仔去吓街, 你都好過我, 起碼唔洗又奶樽又水壺咁.
回覆刪除好啦, 遲d我哋自組吓playgroup 啦, 我就教唱遊啦.
full time 媽咪, 好叻架, 真係好令人羨慕
回覆刪除放產假時我都做過兩個幾月嘅full time mami, 又係成日要抱住埋身餵，抱到手都攰。而家返咗工，夜晚都攞返屋企自己揍，就係唔想miss咗臭B嘅成長過程。不過就超攰，夜晚如果佢扭計，日頭又冇得瞓返，搞到日日都好眼瞓呀！所以working mami其實都好辛苦架！
回覆刪除各位媽媽加油呀！
好有同感呀﹗
回覆刪除延延依家十一個月大，我都準備緊生多個，有兄弟姐妹好過帶佢出去用錢上plaplaygroup 啦﹗
Full time Ma Ma 其實真係好勁，全天候無休息，雖然係好辛苦，但就唔會miss 小朋友成長嘅每一刻囉! 都值得嘅!
回覆刪除我都係全職媽咪黎架,好多感覺其他同路人都講過啦,所以係呢度唔阻你咁多地方啦,不過你真係好犀利,係我的角度黎講你好有"柏"力架啦!!!!(果個字我唔識打添 )
回覆刪除或者遲d幾個fulltime mami輪流帶d bb去大家屋企比佢地一齊玩啦, 當play group咁啦~~~ haha~~~ 免費playgroup呀!!!
( 以上果個提議唔錯喎,我有興趣呀,等時間過得快D麻,我個欣欣又可以識多幾個朋友仔.......正!!!!! )