珏霖仔六個月大喇!!

珏霖仔今日六個月大喇!!!!!

六個月前嘅呢日係我地衞家嘅大日子呢!!! 多左呢個新成員-寶貝仔仔豬!!  

諗番起生你出黎都真係唔容易, 由7月4號見紅, 之後不斷5分鐘一次小陣痛, 痛到無覺好瞓, 到7月6號朝7點幾先穿水, 然後9點幾入產房, 2點幾先開到生到仔仔豬出黎!! 眨下眼忙碌左6個月喇!!都未有時間寫番成個過程!!! 哈哈~~~

回顧下呢6個月嘅仔仔豬先~~~ 真係大得好快呢!!!

7月6號出世嘅第一天:

終可親你面面喇~~~ 一出世就好大對眼周圍望喇~~~ 仲只係喊左兩聲呢!!! dadi威仲驚你唔識喊添呀~~~ 真係可以成日攬住個仔, 真係做左mami嘅感覺真係好神奇好開心好滿足呢~~~ 

 

幾日大嘅傻瓜豬冲涼涼開心lumlum樣!! 哈哈!!! 而家唔同晒樣lu!!

滿月喇~~~ 第一次做主角見咁多人!! 不過好叻叻, 好乖豬!

兩個月大, 第一次切蛋糕呢~~~

三個月大, 係甩晒d頭泥嘅光頭醜怪豬!!!

四個月大, 好似係肚腩仔最大嘅時間呢!!! 哈哈!!!

五個月大, 第一次病病嘅可憐呆豬豬!!!!

六個月大嘅今日, 我地做左好多野呢~~~ 影左五百幾張相!! 又第一次係公公婆婆屋企切蛋糕!!! 不過又係有d病病, 咳咳緊!!!

仔呀仔~~~ 你真係大個得好快呢~~~ 希望你健健康康, 快快樂樂!! 快高長大, 繼續帶比我地好多好多嘅驚喜同埋開心lumlum啦!!! !!  We love you!!!!!!! veryvery much~~~~