一日攞晒3個證件!!!

哈哈~~~ 呢個就係仔仔豬第一次去晒相舖影證件相嘅傻樣喇~~~ 明明同人地笑緊玩緊, 一對住部機就呆左喇~~~ 不過都ok啦~~~ 哈哈~~~

原來而家全部證件都係白底, 好過以前又紅又藍咁鬼煩~~~

不過呢.... 就要規定相中人頭幾大size!!! 都幾煩!!! 回鄉卡最大就係個頭長30mm!!! 而特區護照就要求頭長32-36mm!!!! 所以, 晒相舖話要晒兩set!! 不過成$60半打咁鬼貴! 我今日就試下用呢個30mm嘅傻豬相申請埋passport!! 得左~~~ 哈哈~~~ 大家記住喇~~~ 要個頭至下巴30mm呀~~~

前日先上網預約, 今日就有位喇~~~~

出發喇~~~ dadi威又帶住部新機同我地影相相~~~ 今日又凍, 又有少少雨粉粉呢~~~~

到達喇~~~~ 因為一程車去到~~~ 我地揀左返去我個島申請~~~~ (哈哈!!! 即係我由細住到大嘅香港島)

dadi威同仔仔豬等mami填form嘅自拍~~~~

我當時就超級煩惱喇~~~ 因為上網download份form嘅pdf檔我print出黎亂碼, 所以~~~ 我諗住去到先填都好快啦!! 點知....................... 有份證明文件要父母以外嘅人簽咖~~~~ 要證明張相個bb係仔仔豬喎~~~ 哎呀~~~ 仲要身分證copy添!!!! 未申請嘅mami留意喇~~~~

咁我唯有努力call人救我地啦~~~ 哈哈~~~ 好彩好多朋友都係呢個島!!! 係爭d打算去搵公公or去金鐘搵表姑姐之際, 公司最近嘅契媽出現喇~~~ (之前開會miss左call)

就係呢份form喇~~~ 仲用多左兩張相添呀~~total用左5張喇~~

唔該晒契媽~~~

dadi威去左搵契媽時, 仔仔豬就係入境事務處嘆佢人生第一塊餅餅喇~~~~ 尋日gloria姐姐送比佢嘅呢~~

仔仔呢期牙痕到傻左~~~ 磨牙餅goodgoodgood!!! 牙仔呀牙仔~~~ 你幾時出黎呀??? 我地無覺好瞓好慘咖~~~

之後好成功好快就申請左passport同埋回港證喇~~~ 我地即刻過去對面中旅社搏一搏~~~

嘩!!! 4點幾仲有"醜"呀~~~ 於是我地就用新鮮出爐嘅回港證申請埋回鄉卡喇~~~ 一次過攪掂晒所有證件喇~~~ yeah!~~~其實passport仲連埋身份證, 一次過4個證件呢~~

不過........ 仔仔豬話...... 又申請........又要等.......... 好悶...... 好呆....... 塊餅餅又跌左........ 好傷心.........

好彩有dadi威威陪佢玩~~~~ 哈哈~~~

今日嘅全家幅!!!! 中旅社塊鏡中嘅我們這一家~~~ lumlum~~~

ps: 多謝我嫲嫲, 即係仔仔豬嘅太嫲織左好幾件溫暖牌比仔仔!! 又有背心又有冷衫!!! 等仔仔豬又夠暖又唔洗成隻糉咁!!! !