搗蛋王 = 探險家

小珏霖而家日日係屋企左攪右玩, 真係名副其實嘅搗蛋王呢~~~

已經玩厭左地盤D玩具~~~ 最鐘意去玩呢個櫃仔D野~~~

第一格係佢D餅餅同雜物!!! 第二三格就係佢同MAMI嘅書!!!

而家佢仲識得踮高腳尖~~~ 連枱面嘅野都就快攞到喇~~~ 真係要小心D先得呢~~~~

見唔見到周地都係書呢~~~ 佢真係會自己攞D書出黎研究咖!!! SO FAR佢又無撕D書喎~~~ 我乜野書都由得佢玩同睇咖~~~

(特別推介開心家庭網介紹一SET清華大學出嘅英文故事書, 一SET 50本都係$150!!! 平均3蚊一本英文故事書仔, 任佢點玩都唔會心痛啦!!! 有時佢打開一本黎睇, 我就同佢講下圖畫, 講下內容咁!!! ^.^ 都好開心咖~~~ 旺角樓上書店有賣咖!! 叫"機靈狗故事樂園"!!! 有ABC級同1,2,3級四SET咖~~~ ^.^) 

繼續睇番隻百厭豬先:

佢有時又鐘意入枱底下面玩喎~~~ 攞D玩具入去玩啦~~~

玩櫈仔啦~~~ 乜都玩一餐!!! 真係睇少眼都唔得呢~~~

好似呢日, 我影影下佢, 佢就發現左盒棉花棒喇!! 我即刻收好左大部份, 剩番幾枝同個盒比佢!!! 佢放入口試下味, 之後就逐枝放番入個盒~~~ 哈哈!!! D手指仔真係叻左好多呢~~~

玩左一陣, 又突然爬番出黎, 返去個地盤睇陣書!!! 哈哈!!!

前排書局大減價, MAMI買左一SET GIFT SET嘅MR MEN!!! 仔仔豬都幾鐘意啦~~~ (DVD機著住, PLAY緊大姨婆送嘅MOZART音樂呢!!! 有時就播吓兒歌啦~~ ^.^)

佢真係會打開睇咖~~~ 哈哈!!! 睇一陣啦~~~

跟住又返去玩個櫃D野~~~ 今次玩餅餅~~~

攞出黎, 放番入去, 係佢呢期最鐘意玩嘅指定動作~~~

玩完呢盒又玩第二盒~~~

有4盒餅餅比佢逐盒玩呢~~~ ^.^ 又玩左一大餐!!

最後呢盒透明袋包住餅餅, 個傻豬即刻食吓先~~~

咦~~~ 點解唔同平時咖???? 睇吓佢個怪樣~~~ 哈哈!!!!

好啦~~~ 戴番草媽送比你個口水肩, 請你食一塊啦!!! ^.^ 睇下佢食到個粗魯樣~~~ 哈哈~~~~

其實, 每次佢咁樣玩完, 屋企一定好似打完仗咁..... 好混亂..... 哈哈!!! 大人要執手尾有時都好忟憎~~~~ 執完都仲係會好亂!!

不過, 唔用大人眼睛看BB世界, 用番佢地嘅角度, 每一樣野都咁新奇咁好玩咁開心~~~ 佢地唔係搗蛋, 其實係探險!!! ^.^

所以~~~  搗蛋王 = 探險家!!!

愈搗蛋, 學到同探索到嘅野愈多!!!

仔呀仔~~~ 你慢慢玩啦~~~ 玩得開心D啦!!! 只要係安全嘅, 我都由得你咖喇~~~ 自己玩得小心D呀!!! 唔好起咁多樓比MAMI呀!!!

I LOVE YOU~~~