吽牙仔... 苦....

父親節嗰日, 發現仔仔豬上面又出多左一隻牙仔喇!!! 而家有4隻牙仔喇~~~ ^.^

呢排夜晚都係瞓得唔係幾好啦! 有時邊瞓邊好可憐咁細細聲喊,..... 有時又搏黎搏去, 總之就好似周身唔舒服咁....

而且呢幾晚2點幾又會扭食mama milk, 我都唔知道比唔比佢食好!!! 諗番之前做人肉奶咀嘅晚晚無覺好瞓嘅日子真係慘喇.....

尋晚試下話佢知, 天光先食mama奶奶喇~~ 仲開左杯奶粉奶奶比佢, 佢一啖都唔飲, 剩係大喊..... 即係其實都唔係肚餓啦!!!

結果喊左45分鐘唔停, 聲都沙埋咁.... 最後mami都係屈服左, 比佢食mama milk先瞓番!!!

我諗應該係其他牙仔仲吽緊, 好辛苦, 好唔舒服, 所以瞓得唔好, 搵mama milk呵番同哄自己瞓番o卦.... 前排佢如果半夜責醒都係拍下就瞓番, 唔會扭食mama milk咖..... 唉.....

出牙仔, mami都幫你唔到咖, 仔~~~ 希望你快d吽得出啦!!

尋日去行街街時, 買左d可以放入雪櫃嘅冰凍嘅牙膠比佢!!!

今朝即刻試下啦~~~

嘩~~~ 好凍呀!!! 哈哈~~~ 睇下你隻叻叻豬腳~~~ ^.^

佢仲請我食吓添!!! 我一話: "好凍呀!!!" 佢就笑到咁嘅傻樣!!!

好認真咁試緊味呢!!!

嘩!!! 好開心好舒服呀!!

呢張其實見到佢上面啱啱出緊嘅兩隻牙仔呢!!!

仲有之前舊fisher price牙膠又雪凍左比佢, 佢仲一邊睇barney, 一邊咬咬咬~~~ ^.^

希望仔, 你快d舒服舒服啦~~~