10個月大嘅小珏霖, 係3個月大開始以黎出得最少街街嘅一個月呢..... 因為mami打敗仗病左成兩個幾星期,加上天氣又唔好, 成日落雨, 日日都唔係係屋企就係爺爺嫲嫲屋企玩!!!
不過, 都有好多驚喜比我地呢~~~ ^.^
紀錄番先~~~
首先係牙仔多左一隻喇, 總共有3隻!! 下面兩隻出得7788喇!!! 上面左邊門牙都爆左出黎喇!!! 右邊就白白地, 未見到!!! ^.^
磅數都係21-22磅!!! 唔係重左好多!!! 不過好似高左好多, 可以摸到好多以前唔夠高掂嘅野喇!!! 得閒量度下佢幾高先得!!!
食野方面, 好乖乖!!! 每朝起身飲完mama milk, 抖陣就同mami去食早餐, 食包包餅餅兼飲7安明治奶粉奶奶!!! 中午食一大碗粥or通粉!! 下午茶食生果or餅餅or yogurt!! 夜晚7點又食一大碗粥!!! 大人食飯時佢又坐係high chair自己食菜or瓜or蘿蔔....!!! 夜晚臨瞓又食mama milk!!!
有時都唔明白, 咁細個人仔, 點樣可以食咁多野咖????? 不過, 佢食得開心, 我地都好安樂!! ^.^
今個月試左蛋白, 都ok喎~~~ 得閒再試下比番明治大仔奶粉佢再試下先!!! ^.^
動作方面呢~~~ 今個月學野快左呢~~~
(1) 識得兩隻手一齊bye bye~~~ 哈哈!!! 見到disney dvd嘅小朋友wiggle手指時, 佢都會bye bye手~~~
(2)拍手仔好叻喇~~~ 只要我地講: 好野!!! 佢就會拍拍手!!! 見到dvd d 小朋友拍手, 佢又拍!!! 或者佢自己放左餅餅入口食, 又拍手!! 每朝一瞓醒曚下曚下爬起身坐好, 都會拍手~~~ 哈哈!!!
(3)仲識得touch自己個head!!! 其實係雙手摸住自己對耳仔, 佢自己發明咖!!! 我地仲話佢做乜"無心睡眠"咁嘅pose!!! 哈哈~~~ 後來, 睇english time隻demo碟, 見到simon唱shake your body時仔仔豬又摸耳仔, 我地先知道原來係"touch your head"呢~~~ 可惜原本未影過佢個傻樣!!! 哈哈!!!
(4)再加埋之前已經識嘅"hihi"同埋"請請", 仔仔豬而家有時會好似一套咁一次過自己做晒5樣!!! 好傻好好笑~~~ ^.^
(5)口腔期仍然未過~~ 都好鐘意放野入口!!! 不過比之前少左好多喇!!! 用手仔玩多d!!!
(6)自己識攞住隻杯飲水水同奶奶!!!
不過有時好懶..... 會爬低係地下就隻杯黎飲!! 哈哈!!!
(7)而家唔鐘意係個籃側個hole度攞玩具玩喇~~~ 鐘意拉低個籃, 係個頂度攞野出黎!!!
仲好鐘意攞完又放番入去~~~ ^.^
(8)鐘意自己攞書睇!!! 有時會用佢d bb話講故事!! 或者比本書我講比佢聽!!!
最好笑就係睇呢本barney - i love you書!!! 每次同佢睇住唱i love u歌仔, 佢都會好似拜乜咁五體投地, 成個爬晒落去!!! 哈哈~~~ 做乜呢???
原來係"錫錫barney"呀~~~~~~ 仔仔豬真係好鐘意barney呢!!! 佢會逐頁搵隻紫色barney出黎錫咖!!!! 哈哈!!!
(9)睇得我地抺野多, 仔仔豬好鐘意攞d布黎周圍抺!!! 哈哈!!! 唔該晒呀~~~
(10)玩呢個就識拆唔識起~~~ hehe~~~ 不過就成日放d波波入去d杯入面!!!
(11)呢期最鐘意就係攞我地嘅手提電話黎扮講電話!!! 哈哈!!! 一攞起放埋耳邊就自己係咁講bb話咖喇~~~ 仲好多pose添~~~ 哈哈!!! 之後又攞自己d玩具mobile黎扮!!! 慢慢進展到攞remote扮~~~ 最攪笑係今日食飯爺爺同佢"喂", 佢無野係手, 就咁用自己隻手摸住一邊耳仔就" 喂~~~~ !@#!@%&**^%" 係咁講野喇!!! 仔呀仔~~~ 我地一定係成日對住你講電話啦~~~你學得咁快!!!
(12) mami覺得今個月最叻仔, 學到最重要嘅一樣野, 就係自己反轉身, patpat落先咁由高嘅地方落地喇~~~
之前見佢想用個頭落地先咁, 嚇c人咖~~~
而家佢識得去到邊邊, 就轉身, 用個豬patpat落先!!!! 
!!!
呢set相就係係我地大床自己落地喇!!! 而佢學識嘅地方係爺爺嫲嫲屋企廳嗰個台!!! 佢成日上上落落, 而家好叻咖喇~~~
(alva ee, 去你屋企都唔怕跌跌喇~~~ ^.^)
語言方面呢!!
仔仔豬都好多野講, 雖然我地聽唔明佢講乜, 不過佢應該係有內容嘅呢!!! 哈哈!!! 有時都估到佢想表達d乜~~~ 例如: 佢望住嫲嫲#$&$(%#$ 一餐, 其實係想要一條菜!!! 哈哈!!! 嫲嫲都話真係get到佢想表達d乜咖!!! ^.^
而有意思嘅發音就有: mum mum, 奶奶, mama, 爺爺!! 有時有d好似係講左個音, 又唔知道係咪真嘅唔計啦~~~ 呢d係佢識重複咁講嘅!!! ^.^ 今日仲好似係咁講"鴨鴨"添, 唔知道係咪真係識呢?
至於佢明白左嘅野, 但唔識講嘅有好多喇!!! 例如: 燈, 波, 書, 眼鏡, bearbear熊, barney.....
問佢: "波波呢?" 佢就會爬去攞比我地!!!
叫佢: " 錫錫bearbear熊啦!! " 佢就會攞床頭隻bearbear錫or咬!! 哈哈!!!
仔呀仔~~~ 你最緊要健健康康呀!!! 今日仲有少少咳咳呢, 要加油呀!!! 快d好番晒, 我地又出動喇~~~ 
鈺霖叻叻豬喎,你第二時有機會教下我個欣欣妹妹好嗎????
回覆刪除[版主回覆06/08/2008 17:15:00]好呀~~~ 快d好番晒一齊玩啦~~~ ^.^
係喎!!! 唔記得答你個combi杯添, 我個仔飲無漏咖, 有個保險lock要lock咖喎?? 不如你打比我啦~~ ^.^
霖霖你真係好叻ar..好多o野都識.好多o野都好醒..你每隔幾日又俾mami 1個驚喜... 霖霖你要俾心機ar~~
回覆刪除你好勁呀！行行呢個月都有好多改變，但我唔識好具體咁形容出黎。見到你寫的，同行行好d似，e.g.中意由藍頂攞玩具，仲係要捐入去攞！對床邊有左意識，唔再"中"落去，間唔中成功用pat落先。hee........
回覆刪除[版主回覆06/08/2008 17:24:00]哈哈!!! 多謝多謝!!! 都係想留番個紀錄, 所以咁努力記低 ^.^
歡迎抄襲!!! hehe~~
嘩！真係好叻叻
回覆刪除最叻係食咁多野，好羨慕呀
你上教我，教天使仔用屁股落地
教左好耐都未識，努力中
仔仔豬真係學得好快呀
鈺霖仔好叻呵....好多Bok B都未識呵....
回覆刪除Cary勁呀~~~~~
你好番未呵?幾時可以見下你& lum lum 呢.....?
回覆刪除[版主回覆06/08/2008 17:27:00]um... next next weekend???
鈺霖好叻仔呀，我最喜歡佢成日都食咁多野呀，我個樂樂食野份量好少，所以好un茄呀!
回覆刪除樂樂又係見我成日講電話，而家成日攞個remote呀, 手掌呀，仲之求其攞舊野都扮電話講一餐家，真係好攪笑呀!
[版主回覆06/08/2008 17:27:00]哈哈~~ 係呀~~見親佢扮講電話都覺得勁好笑~~~ ^.^
小珏霖叻叻豬, 媽媽教導有方.
回覆刪除[版主回覆06/08/2008 17:27:00]thanks呀~~~
見著仔仔豬成長，真感動！btw,妳個籃係邊樹買架，我都想搵返個纇似的放玩具。
回覆刪除[版主回覆06/08/2008 17:28:00]個籃係之前係mannings換咖~~~ 唔知道仲有邊度有得賣呢???
霖霖好叻呀。。已經識得patpat 落級。。。0甘0黎到我屋企都無0甘驚。。不過我屋企個級好似高 D 呀。。。都要小心小心。。
回覆刪除Audrey 識爬第一件事就係要教呢樣0野。。。
霖霖突然學得好快好快呀。。快0左好多呀。。。。大個仔喇。。。
[版主回覆06/08/2008 17:30:00]係呀~~ 突然學得快左好多呢~~~
我諗佢係大床咁高都落到, 你嗰級都ok嘅~~~
希望大家快d好番晒, 然後, 約埋gloria去試下啦~~~ ^.^
Quite a lot of development he is going thru!!! It's fascinating for us to see... And it's good that he loves eating!!! Enjoy that!
回覆刪除[版主回覆06/08/2008 17:30:00]yes~~~ so happy to watch him learning n growing!!! ^.^
lum lum 好叻仔呀~~ 唔係客氣說話，我覺得佢好似叻過同齡的BB！可能因為係你自己湊(叻過工人湊)，再加上你成日帶佢周圍玩，又唔會成日no 佢！我覺得我地好似no 得佢太多，我都盡量忍住唔no 佢，但佢有時玩垃圾筒等都好難唔no，同埋其他照顧佢的大人(如99)，我好難控制... 希望盡量俾曦曦explore 多d，等佢學多d！曦曦仲未識拍手啊 (我已經成日o係佢面前拍) ！同埋仲係食好少野，真係好羨慕lum lum 食咁多野...
回覆刪除[版主回覆06/08/2008 17:34:00]多謝你呀~~~
不過我地做mami一定要記住唔好比較呢!!! 每個bb都有佢地嘅learning progress嘛!!! 好似曦曦好快快學識左用手指仔食星星餅, 我個仔都研究左好耐呢~~~ ^.^
拍手呢d, 我都示範左好耐, 佢突然有一日自己發現拍拍下有聲好好玩, 就會成日拍咖喇!!! ^.^ 期待好驚喜睇住佢拍手仔嗰日啦~~~ ^.^
食野方面, 又係個個bb都唔同呢~~~ 希望可以食愈來愈多野時, 曦曦會再食好d啦~~~ ^.^ 加油呀!!!
記得讚曦曦多d呀~~~ ^.^
呢招真係比我超大驚喜......Cary勁呀...霖霖掂呀....
回覆刪除[版主回覆06/08/2008 17:38:00]呢招係要不斷重複咁教佢咖!!
一去到邊邊, 佢想落去時, 就turn佢個patpat落先!!! 重複好多好多次之後, 佢就會自己轉身咖喇~~~ ^.^
鈺霖好叻呀, 十個月已經識咁多嘢
回覆刪除話咁快又11個月, 時間真係過得好快啊..
回覆刪除我個女呢排大單啦, 一見我拎鞋或者執袋就講: 街街...
有日唔去街, 佢仲將個袋拖行到我面前俾我....唔係去街去出癮嘛...????
[版主回覆06/09/2008 12:03:00]嘩~~~ 好叻女喎~~~ ^.^
反而我個仔未講過街街呢??? 哈哈~~~ 都係女仔鐘意哨街多D呀!!!
唔該哂你呀Cary, 等我得閒出去旺角城市中心再揾揾啦!
回覆刪除查實我係Annick既同事兼微微既契媽, 係我個blog度"契女微微"既分類入面就見到我地d相架啦!
唔覺唔覺珏霖甘大個啦......真係要等a&b考完試, 見下佢, 同佢玩下先得啦.....
回覆刪除時間真係好快.咁就11個月....Happy 11 Months birthday ^_^
回覆刪除霖霖真係好叻，超級叻 ~~~
回覆刪除珏霖仔真係發展得好好呢！都係媽咪全職照顧的成果！繼續努力呀！
回覆刪除攞d布黎周圍抺, 哈哈~ 妹妹上個月都係呀
回覆刪除珏霖真係叻呢! 希望佢一直繼續進步。
回覆刪除偶然路過，你好有心機記錄仔仔的成長，肯定是第一胎！ 你以前也是教書的嗎？我也是啊！
回覆刪除好乖喇,起碼無亂掟野,Tama仔同我咩都掟落地,執餐死呀.
回覆刪除[版主回覆06/10/2008 00:10:00]不如你比個盒佢教佢執同放, 可能會分散左掟野嘅注意力!!! ^.^
俾咗個膠箱,佢就連個箱仔都掟埋出嚟呀.....
回覆刪除[版主回覆06/10/2008 11:56:00]哈哈~~ 係咪因為佢係網床入面???
如果放珏霖落床仔, 佢都會玩掟野出黎咖!!! 放佢係地下玩就唔會囉
BB都好醒啊！
回覆刪除霖霖好叻呀,識咁多野! 咁快學識自己用patpat落先,好野呀~
回覆刪除佢食到咁多野真係好呀,我仔仔食好少野咋,仲唔太like食粥添,都唔知點算.....