呻....

珏霖小朋友前幾晚都瞓得唔好....

夜晚半夜4點起身搵奶飲, 然後仲唔係即刻瞓得番著.... 自己係咁唱歌仔, 過左大床又碌黎碌去, 撲黎撲去, 好彩mami搵個枕頭保護住個肚, 唔係真係會比佢整親.... 撲成個幾兩個鐘頭先瞓得番.... 即係到5點幾差不多6點先瞓番, 但係跟住7點幾8點又醒, 仲一見到天光左即刻叫"落地", 即刻出廳玩.... 攰c mami同dadi喇!!!!

星期四又開始流鼻水.... 尋日又開始咳喇!!!! 成日都打敗仗咖仔.... 仲要係weekend先黎病, mami同你約好晒d朋友仔見面又cancel晒喇!!! dadi咁啱呢個星期六日放假, 我地又係屋企休養喇.... >.<~~~ 快d好番啦!!! 乖乖~~~

食左藥又唔係好眼瞓咁喎..... 而家預佢一日瞓一晏覺, 咁7點幾8點起身, 下晝食飽飯1-2點應該要瞓啦~~~ 點知次次捉佢入房瞓好似要打仗咁.... 成日想出番廳玩, 終於肯係床仔瞓好, 睇佢個樣差不多瞓著時, 又會彈番起身唱歌或者搵野玩..... 激c人..... 次次最少攪成大半個鐘頭都未瞓著, 係床仔就扭過大床, 係大床又扭瞓番床仔, 都唔知道想點.......

夜晚臨瞓又係咁..... 不嬲冲完涼飲杯奶, 然後係大床唱吓歌, 碌吓祈吓禱攬吓就瞓著.... 而家又係左撲右撲, 好似過度活躍咁.... 攪好耐都未瞓著.... 點解呢????

係咪太多精力呀, 因為我地呢排無去街無乜去公園玩呀??? 見到你精神上好攰, 個樣好眼瞓, 兩隻眼睛都雙眼皮喇, 但係身體就好多電, 好多精力要左撲右撲, 左玩右玩發洩完先瞓到????? mami而家真係無乜本事同你落公園周圍跑同埋爬上爬落呢.... 要等dadi放假, 或者爺爺嫲嫲有時間先可以同你去玩同放電呢!!!

尋晚預左佢而家碌好耐先瞓到, 又想佢休息多d, 所以8點半同佢冲涼, 諗住9點幾點都瞓到啦.....

點知..... 結果係10點半先瞓著呢.... 我同dadi兩個陪住佢係床撲左兩個鐘頭, 真係好攰..... 大家都有d忟憎...... 但係其實我又覺得珏霖都唔知道佢咁樣撲我地會辛苦.... 只係佢真係未攰到即刻瞓得著..... 好彩尋晚佢終於4點無再醒喇.... 瞓左個天光!!!

希望.. 好希望...仔呀!!! 你乖乖豬身體健康, 瞓好d, mami又陀細b陀得舒服d, 可以同你去多d地方發洩精力啦!!!

你乖乖快d好番晒, 身體健康, dadi放假我地咪可以出去玩囉!!! 乖乖~~~ 瞓得乖d, 快d瞓著!!! 係床唔好玩喇, 床係要黎瞓覺覺咖!!! 乖啦~~~~~~