2009.2.12 QE照結構 ^.^

我同DADI今日好開心好興奮~~~ ^.^ 真係好開心好開心呢!!!

今日係我去QE照結構嘅日子呢!!!

好好彩今胎去QE登記時仲係好早, 有得BOOK埋20WEEK照結構!!! 可以慳番$1200喇~~~ 上次珏霖都要出去私家醫生度照呢!!!

不過好FULL, 所以係排到姑娘照, 唔係醫生照, 佢當時話如果大吉利是有D乜, 先搵醫生再睇!!! ^.^

唔該晒爺爺嫲嫲今日揍左珏霖, 我同DADI兩個可以舒舒服服咁去見細B!!! ^.^

呢幾日都同細B講, 乖乖地呀!!! 星期四要乖乖合作比醫生照清楚呀!!!

BOOK左下晝2:30, 我地遲左少少去到, 排第5~~~

原來係最後一個呢~~~

姑娘好溫柔, 好好人, 好詳細, 好仔細!!! 照左成廿幾分鐘呢~~~ 最後, 仲有醫生黎好快咁由頭照多一次, comfirm一切都好好!!!

細B好攪笑, 好似唔係好鐘意我地攪住佢咁, 係咁搵手仔腳仔推開!!! 大大腳踢我~~~

不過所有野都照得好清楚, 樣樣都好健康DEVELOP得好好!!!

而且~~~ 9成9CONFIRM到係男定女喇!!! hehe!!!

上次12week照OSACR話7成囝, 然後16WEEK私家醫生話9成囡!!! 攪到人地都唔知道信邊個好呢~~~ 今日終於confirm到喇~~~

唔開估住~~~ 你地估吓啦!!! ^.^

總之細b你乖乖豬, 係mami度住得舒舒服服, 快高長大啦!!!

最緊要健康平安, 最好似mami多d, 似哥哥大眼睛都好!!! ^.^ 最好6月中足月就好容易好順利咁出世, 食奶奶好似哥哥咁叻叻, 做個好好瞓, 好聽話好合作嘅bb!!! 

mami, dadi同lumlum哥哥都好鍚你好愛你咖~~~

post埋dadi mami今日去拍拖食飯先!!! 而家仲可以放低珏霖拍吓拖, 遲d兩個唔知仲有無機會呢???

alva ee, 尋日mami唔夠喉, 今日即刻去左食一大碟ceaser喇~~~ hehe!!!

dadi話個湯都好好味~~~

意大利飯就唔係幾啱佢, 啱mami多d~~~ ^.^

仲有chocolate cake~~~ yummy~~~ ^.^