睇左醫生

尋晚離開老爺家後, 就番左去屋企樓下間診所睇醫生, 其實都好唔想睇, 因為都唔想食藥, 但又真係好頭痛, 老公話如果夜晚半夜先好辛苦又無藥救命就大鑊, 所以睇左先啦!!!

去到平時去開嗰間, 夜診係另外一個醫生, 一去到探完熱有37.1度, 未算有燒啩 , 然後就即刻有得睇喇!!

見個醫生好似好大年紀咁, 諗佢都應該好有經驗啦, 一開始我當然有話比佢知道我有bb啦, 跟住..... 死喇!!!  唔知道佢講乜話, 唔知係咪鄉下話呢?? 加上英文同少量廣東話, 問左好多次先聽到佢話我

有virus infection!! 唔係流感? 喉嚨無乜紅呀? 吓!! 喉嚨好痛喎!! 係呀!! 有virus係會痛咖喇!! 咁點呀??

結果佢話開d頭痛退燒藥比你, 加埋vitamin C!!  我話我有BB喎, 食唔食得嗰隻頭痛藥咖?? 我比你梗係得啦!! 激死...

!! 雞同鴨講!!

番屋企前再去左萬寧買"康鈣C", 打算增加VITAMIN C!! 自己打嬴仗好過!! 發現左一pack"康鈣C" 3枝+ "朱古力鈣片"2枝嘅禮盒裝大平賣!! 5枝只係賣$89咋!!!

超抵!! 快d去買啦!!

結果番去食左一餐康鈣C同頭痛藥大覺瞓!! !! 希望自己打番嬴仗!!

今日瞓醒好少少啦, 但又有少少鼻水!! 加上喉嚨仲係痛....!! 頭痛就好dd喇!!

我決定左唔再食藥喇!! 剩係勁飲水!! 水一定會醫番好我嘅!!!

baby我地要一齊努力呀!!!!!