睇左醫生+第6次見baby

咁夜寫blog都好耐未試過lu!!!

因為今日下晝去睇醫生, 3點20分去到, 原來醫生4點先開診, 然後佢3點50分返到去, 第二個已經到我喇, 唔多洗等, lumlum!! 睇完食d野大約5點幾食左第一餐藥, 返到屋企已經開始眼瞓, 瞓到11點食第2餐藥!!

寫多少少又再瞓喇!! 希望今次食晒d藥快d好番啦!!

去見醫生時, 因為無預約, 所以係"等位"(好似飲茶咁??), 不過可能醫生見我咁早到去等佢, 比我快d睇!

首先話佢知星期五晚開始頭痛, 然後睇左個普通西醫, 比埋d藥佢睇, 問佢係咪virus感染, 佢話感冒多數都係, 跟住話佢知尋晚開始不停鼻水同有咳....., 最後佢話我應該係傷風, 比左止咳, 止鼻水同頭痛藥我, 我今次都好放心同好乖咁食!! 婦產科醫生開應該一定安全for baby啦!!

睇完傷風佢話還掂黎到, check埋baby啦, 唔洗下星期又黎多次啦!! lumlum!!

於是就去照u/s睇baby喇, 今次又係成個過程係DVD內, 佢又幫小B量度頭圍, 肚圍同大腿骨長等等, 不過今次無度身長, 醫生話小B大個左周身郁, 好似一個人跑緊步咁度身高唔準喎??

小B嘅所有measurement同佢嘅week數:16week3day都好match! ! 而胎盤位置都正常!! 醫生話"So Far So GOOD"!! 跟住仲4d見到baby一手R頭, 一手摸面, 好攪笑!!

而大家好關心嘅性別方面, 都好似睇到個大概喇, 不過未100%SURE!!! 等我20週做完結構u/s先開估啦!!

我問醫生到底我病同咳會唔會影響到baby, 佢話唔會!!! 希望真係啦!!

好喇!! 要快d去休息喇!! 希望我快d舒服舒服番啦!!! baby, 繼續健康平安快高長大, 係媽咪度住得舒舒服服啦!!