頭痛......

好辛苦!! 之前幾日都有少少頭赤赤, 但以為自己朝朝一早起身番工未係好夠瞓所以頭痛! 所以都無理佢...

點知道今日咁舒服唔洗番工, 可以瞓耐d時, 反而一早7點發惡夢, 頭痛加喉嚨痛醒左, 發夢自己係班房比一班好百厭嘅學生激到死死下, 大聲鬧佢地攪到自己喉嚨勁痛出唔到聲...., 其實應該係自己真係好喉嚨痛所以發埋d咁嘅夢, 起身飲杯水再瞓過, 之後起身食左喉糖, 好似好少少,  同老公起身食野, 食完都係唔多舒服, 所以又上床瞓多一覺, 又瞓得著喎, 然後夜晚就去左老爺家dinner, 而家佢地一家人睇緊電視, 我就上左黎寫blog!! 個頭都係好痛...., 個人又好似"瘟瘟鄧鄧"咁...!!!

如無意外, 我一陣都要去睇醫生, 免得老公跟住兩日去番工擔心我, 話比醫生知道有bb應該就可以食藥, 但又覺得唔食好d咁!!! 係咪有bb會頭痛咖????

救命, 真係"頭痛慘過大病"!!!