第4次見面 - Oscar Test

今日係去威爾斯做Oscar Test嘅大日子，等左差不多成個月先可以再見baby，好心急呢!!!

Oscar Test係主要test<唐氏綜合症>嘅機會率嘅test, 主要係抽血驗血同埋照超聲波厘度baby頸皮厚度等去評估嘅！多數係30歲以上嘅mummy去做嘅！因為mummy年紀越大，染色體有異變引致baby有<唐氏綜合症>嘅機會率会越高!!

我做唔做都可以，不過做左會安心啲嘛！見forum啲mummy們介紹威院做最快有report，所以都未知係乜嘅時候，11月頭就book左lu!!!

姑娘話我嘅年齡計, 如果報告機會率係高過1:300嘅就算<高危>!! 然後我嘅report結果係1:1538!!!! hehe!! 即係<no危>啦!!lumlum!!!

醫生話baby身長7.34cm, 已經13weeks幾喇, 預產期係7月13日, 計下計下, 佢係我裡面差不多100日喇!!

 40weeks生bb!! 即係已經過左<三份之一>時間喇!! 仲有200日唔夠就會出世同我地見面喇!!

baby好似知道我同威威好掛住佢, 想見多佢幾面咁,

個位置唔係幾fit醫生度頸皮, 所以照左好耐，仲分開兩次照，醫生叫我地去行下, 15分鐘後, 等baby個位唔同又再照過!!  

呢張係第一次照嘅, 唔登daddy威畫圖解畫住大家睇唔睇到baby個形呀??

無見幾星期, baby又大個左好多, 而且手仔腳仔郁郁下,  睇到手指同腳指仔，又會舉手仔踢腳仔，睇到我同老公眼定定，個身仲會好似蝦米仔咁彈下彈下, 醫生話baby呢個時候係咁move嘅!! 好奇妙呀!!! lumlumlumlumlum

跟住呢張醫生zoom埋去比我地睇手指仔!! baby舉手呀!! haha...

醫生仲話baby嘅性別睇得唔係太clear, 不過好似係.........!!! 你估下先啦!! 仔仔囡囡我地都咁lum咁錫!!最緊要健健康康, 平平安安!!  

下星期會再見私家醫生, 希望到時baby合作比醫生照下, 然後confirm先開估啦!!