1月16日- B頭睇醫生

襯老公放假可以陪我同B頭一齊, book左去睇醫生, 因為BB嘅皮膚一路都好痕, 成日R!! 加上係時間要補番枝防疫注射, 以免佢真係去TRAINING時比其他狗狗傳染!! 同上次Rosina話要睇下d牙仔, 一次過睇晒

去到醫生度b頭好興奮好開心, 你睇佢個樣幾lumlum

仲係排櫈度行左行右, 坐下呢張又坐下嗰張添

都唔知道人地其實幾擔心佢入去醫生度之後會點

結果醫生話佢應該係食物敏感, 因為全身皮膚都好紅, 連耳仔入面都紅!! 而家開左3隻藥, 同轉左隻防蛋白質敏感嘅糧食個半月, 如果真係食左好番好多就證實係食物敏感!! 連零食都要介口!! 仲有藥膏搽!!

兩枝防疫注射可以照打, 眨眼就打完, b頭無乜反應, 可能醫生好手勢啦!! 埋單要成$$1274!! 都幾肉痛, 但其實咁多野都算OK 啦!!

結果可憐B返到屋企就謝左喇!! 又要食藥又打完針好攰好散, 睇見佢真係心都痛埋!! 健康真係好緊要, 阿B加油呀, 我地仲要食好多日藥, 希望食完真係好番晒, 唔洗成日痕到死R身R到傻啦咁辛苦啦!! 呵番

跟住呢幾日我就好努力咁早晚喂B食藥(+防敏感罐頭)同搽藥膏, 阿B頭都好乖!!

不過搽到個身黃晒, 陰公....!! 快D好番啦