一個人變成兩個人!! ^^

今日去左睇醫生! 因為我懷疑自己有左bb差不多一星期了!!

在棒棒上的<淺紅線>令人好疑惑, 但有經驗的mummy朋友們話: 無9成都8成係!!

太早期啩!! 所以又等下先再check!! 但係好心急嘛... 決定今日去左普通家庭醫生度問下!!

都係<淺紅線>!! 但醫生confirm左: 恭喜晒呀!!!

一經證實即刻好多好多野要諗!! 其實都諗左幾日了...

, 但confirm左嘅感覺係唔同的.....

可能好多嘅計劃都有變了!!

11月不能去旅行了, 仲去滑雪, no喇

12月還可以到IT公司做trainer嗎? 其實去學校嘅電腦室教老師應該好安全的, part time應該會請我啩!!

下年年中開centre我的情況會如何呢?? 生左出黎又想自己湊bb!! 我鐘意小朋友無理由去湊人地嘅小朋友, 而唔湊自己嘅bb啫!! 但我又對呢個center好有興趣, 應該點呢?? 到時一定有辦法嘅....

錢方面可能係最煩嘅... 因為我又無做野, 無得放10個Week有薪產假

, 然後又想係私家醫院生, 又要預筆大錢......, 人人都話生bb啲錢好難預算..., 仲要交稅等等好似好多錢要洗咁......希望老公唔好擔心啦!! 一定有辦法嘅....

不過調轉頭諗可能係因為我無做野好relax先至會有baby!!

生隻豬仔or豬女出黎一定好嘆!! 如果以前返工時又stress又忟, 生個bb出黎實好扭計!! hehe...

總之而家諗好多野其實都無得諗, 希望bb會好健康好平安好舒服咁係我個子宮度住呢40個星期, 快高長大, 健康lumlum!! 然後其他所有事情都會好好, 好smooth, 好lumlum咁攪掂!!