代課的第一天

放工了! lumlum!!!

今朝早唔知醒起身, 7:15先醒, 7:45先返到去, hehe..., 遲到15分鐘!! 好彩代課無所謂!!

返到學校發現好多好熱情嘅同事, 學生同家長!! 個個第一句都話:"你去左邊呀?? 好掛住你呀!!"!! 唔係吹牛呀! 好多人蜂擁埋黎, 好似明星咁! 哈哈!! 其實都真係好lumlum!! 覺得自己舊年盡心盡力做嘅每一件事都係有人接收到同有人讚同嘅!! 

今次代3年級!! 一早會就有老師提醒我代班主任嗰班好百厭!! 所以有心理準備, 入課室先講好規矩, 再加上我例牌嘅分組計分獎勵計劃, 好成功咁順利建立關係上左好多堂!!

對住學生嘅時間真係過得好快, 好似眨下眼就放學咁, 好忙好充實好lumlum!!

不過有d感慨<教育真係好憑良心嘅工作>!! 我有時真係唔明白某d老師到底諗同做乜, 好似我今日代某人時, 竟然發現到9月份做嘅GE同10月嘅Dictation仲未改??? 激死人!! 有一班連GE簿都未開!! 救命!!!

雖然好無奈但又好唔抵得咁都得, 所以我都幫佢改, 咁對D學生都好唔FAIR啫, 人地比心機做功課, 老師又豈能扮收唔到呢? 怪不得家長會complain啦!! 唉!! 希望所有老師都係帶個良心返工,  最基本都盡番本份同責任啦!  

我原本仲有d擔心自己會好攰好辛苦, 但發現時間好易過同好lumlum喎!! 其實我真係鐘意教書, 覺得好充實好互動好有意義同好lumlum!! 點解正式教時會比人勞役到身心疲乏到要give up呢?? 真唔明白!!

或者有更好更有意義嘅在前面啦!! 今日仲同校長講過想放學開playgroup用play therapy幫佢教ADHD同讀寫障礙嘅小朋友, 佢都有興趣, 仲話可能可以用d funding請我幫手!! 睇下點先啦!!

好lumlumlumlumlum today!!!