抽完血了...

今朝寫完blog去了TM同陪老公瞓番一陣！跟住瞓醒一齊同pizza輝食lunch!!

然後搭地鐵去佐敦，再轉小巴, 下畫３點幾到達QE了！去了L Block公務員專科診所！

登記完！等左一陣！就去治療房比姑娘抽血了，老公無得陪！我見姑娘攞左４支試管出嚟準備就腳仔軟了

跟住決定合埋眼唔睇住，點知..... 跟住好快就得左了！！除左針拮痛一下之外都無痛，姑娘叻叻！

然後就比護士interview咁玩問答題了！問病歷、有無生過ＢＢ呀？有無墮過胎呀？有無鼻敏感呀？有無大病呀？有無手術過呀？有無藥物敏感呀？有無屋企人有先天性疾病呀？全部都係無喎！

好啦！下次３月２１日嚟再見醫生啦！吓！下年３月！！！知道.........！

咁個驗血報告呢？ 如果無特別就３月先睇報告了！有問題先兩星期後聯絡我喎！咁唔好揾我喇

跟住就攪掂走得了！４點３已經上小巴走人了！落佐敦又有小巴直接返到屋企樓下！５點已回到家了！good!!

去定政府醫院check係因為如果真係係政府醫院生ＢＢ要有報告先ok!! 而且驗血等嘅化驗唔洗$$!!

跟住３日有Play Therapy Workshop!! 每日要上8個鐘堂！加油