第2次見面^.^ - 火車聲

今日是第2次去見私家醫生嘅日子, 尋日嘅心情已經好緊張, 好想好想見到baby嘅心跳!! !! 亦好想confirm預產期!! 上面嗰張白色嘅部分就係baby了!! 醫生話有1cm度!! 睇baby大細應該係大約7weeks!!所以預產期就係: 2007年7月18日左右!!! 之後見到1cm baby中間有野<閃下閃下>!! 原來就係心跳了!! 好開心見到心跳!! 又過一關嘅感覺!!

跟住醫生轉左部ultra sound去另一個mode, 即係下面張相, baby閃閃下嘅部分變左紅色!!! 然後我地就聽到"噗噗噗噗噗"聲, 老公話好似火車聲咁!!

圖中下半部分就係好似<心電圖>咁嘅curve了!! 同一時間見到同聽到baby嘅心跳真係好lumlum!! 點解咁細粒, 只得1cm嘅baby可以有咁快咁大聲嘅"噗噗噗"火車咁嘅心跳嘅???好amazing!!

下次嘅檢查係12月27日嘅oscar test!! 跟住下年1月11日先再見醫生了!! baby你要乖乖地快高長大呀!!