今日係仔仔豬5個月大嘅日子呢~~
原本打算去街街慶祝下, 點知......
尋晚仔仔第一次發燒呢
!!! 尋晚dadi威仲要返night添!!! 一早dinner完7pm返屋企同仔仔冲涼, 發現佢好似興興地喎!!! 一探下熱... 38.3度呢!!! 即係大約101度!! 有d燒喎~~~ 
!!! 貼左個退熱貼等佢舒服d先啦!!
因為屋企只有耳探, 好似唔多信得過咁..... !! 於是打比樓下嘅熟手mami朋友!! 佢就立即帶埋支肛探上左黎救我喇! 探左又係101度, 即刻幫我餵埋退燒藥比仔仔添, 好熟手好快手咁就攪掂左喇!!! 真係救左我呢個新手mami呢~~~ 我手忙腳亂, 都唔知點好... 超級唔該晒呀peggy ee~~~~ 
然後就哄仔仔瞓覺啦~~~ 成晚都囉囉攣呢~~~ 陰公~~~~ 燒就退左7788喇!!! 不過體溫仍然比平時高左!!! 唔知道佢係邊度唔舒服!!! 又無痾無鼻水!!! 剩係有d燒咁........
等到今朝dadi放工, 仔仔已經變番37.5度喇!!! 不過都係呆呆滯滯咁, 而且都係興過平時, 所以都係帶左佢去睇醫生!!!
check完乜問題都無~~~ 可能真係吽牙仔, 醫生話牙仔爆出黎時會有少少炎症反應!!! 又或者係有d病毒感染, 身體自動升高d個溫度打仗!!! 所以如果係輕微發燒都可以唔洗食退燒喎~~~
38.5以上先食藥啦~~~ 就係咁喇~~~ 都安心d嘅! 起碼check過晒喉嚨, 肚仔...等等都好好!!!!
而家兩仔爺一齊瞓覺覺豬, 希望仔仔豬舒服舒服~~~ 如果真係出牙就快d爆出黎啦~~~ 
PS: 而家係夜晚8點幾, 仔仔經過今日成日戇居居, 下晝瞓左幾個鐘頭同埋4點幾痾左一大餐"咖哩"之後~~~ 好番好多喇~~~ 體溫亦都回復正常喇~~~ 
最近天氣變化好大,你自己同仔仔都要小心身體呀。bb5個月大會吽牙仔傢喇?!好彩你講我先知咋,真係唔該晒你呀。
回覆刪除祝5個月快樂~~希望霖霖快d好返
回覆刪除祝鈺霖仔身體健康，唔使吽牙吽得咁辛苦。
回覆刪除尋晚你一定成晚訓o吾著,你自己都要保重呀.
回覆刪除BB吽牙仔系會發燒嘎~
回覆刪除鈺霖,你要快D好返呀~~唔使媽咪緊擔心啦~~~~
小豬燒左四日都係 38.5 -39.7 呀, 陰公
回覆刪除希望仔仔豬快d出到牙仔啦 !!
回覆刪除小朋友發燒, 大人就最辛苦.....要成晚睇住, 小朋友又瞓得唔好, 所以我都好怕2位公子發燒ga.....
回覆刪除希望珏霖d牙仔快d出黎啦......甘就會無甘辛苦lak.
希望珏霖快d渡過呢個辛苦期啦!
回覆刪除好明白你成晚囉囉攣既心情呀, 我BB都感冒, 又係成晚冇覺好訓
回覆刪除原來吽牙會有機會發燒?真係唔知呀,好彩睇到你個sharing咋.
回覆刪除希望仔仔豬快d無事,隻牙快d出嚟,舒服舒服.
吽牙仔會有機會發燒, 不過唔洗咁擔心0既, 仔仔豬 e+ 都無乜事就好 ok 啦~~~
回覆刪除好番未呀?? 最緊要係要退燒囉...........祝霖霖快d好返
回覆刪除祝 5個月快樂!! 快些好返呀....
回覆刪除聽完你講,我月尾都係唔帶阿仔去飲囉,人多就多病菌架啦.希望珏霖仔無晒事.
回覆刪除可能係牛牙仔唷,5個月可能開始牛牛地
回覆刪除aiya.....有無事呀奶媽 ??
回覆刪除快d買番支探熱針旁身，電子果d都唔錯！
回覆刪除1set 探熱套，消毒火酒，vaseline齊備，包冇甩拖！
霖霖仔快d好番，唔好要mami擔心啦！
嘩。。。 希望珏霖快D好返同出好牙仔啦﹗0甘你同佢都無0甘辛苦﹗﹗
回覆刪除希望珏霖仔快d舒服番哂啦. 要幾時先吽到出來呢?
回覆刪除最近的天氣好容易令人病呢！卓蔚都病咗，扁桃腺發炎，幸好都係冇發燒同冇喉嚨痛啫！祝珏霖仔早日康復啦，小病是福呀！
回覆刪除吽牙仔同埋長高, 小朋友都會有機會發燒既, 所以希望個個bb都可以舒舒服服經歷佢地人生既必經階段啦~
回覆刪除探pat pat....好似好辛苦咁....仔仔好D未呀?
回覆刪除祝鈺霖仔五個月快樂~ 希望鈺霖仔身體健康,快高長大!
回覆刪除探 pat pat 都好乖 wor , 叻仔
回覆刪除首先祝仔仔豬5個月大越黎越有型靚仔,希望你的能夠快快退燒,健健康康咁同爸爸媽媽去玩啦知無????^^
回覆刪除噉應該係吽牙仔!! 燒一次半次,好快又好返冇事ga lah!!
回覆刪除祝5個月快樂~~~祝早日康復!
回覆刪除唔使太擔心,出牙仔係會發燒架!!
回覆刪除我個b又係人奶b,好快康復架!!無事啦!!
各方面都無問題就放心, 少少燒之後又會快高長ga
回覆刪除加油呀，珏霖仔，快d標隻牙仔出黎啦！
回覆刪除E 生話無事都放心o的~~
回覆刪除不過lee 排天氣時凍時熱, 你地都要小心o的呀~~
希望鈺霖快d好返
回覆刪除