仔仔呢幾日都係唔多舒服咁, 有食完藥嘅後遺症呢~~~
(1)無便便 - 由開始食氣管藥嗰日就無大大喇~~~ 好多日喇!!
最後覆診嗰日已經3日無大大, 醫生話d咳水影響到, 停左藥應該ok, 點知等多3日都無!!!
雖然佢個肚仔仲係"林"嘅, 不過今日都係去睇下醫生安全d!!
結果下晝就塞左patpat, ok左喇~~~
(2)出疹 - 個身仔出左d好細粒嘅紅點, 今朝發現, 一次過去問醫生, 醫生話應該係d藥物反應, 打完d病毒之後, 會打番自己d皮膚!!! 不過, 好快會無事咖喇!!! 唔洗搽野添~~~
希望唔會痕, 快d退啦~~~
(3)扭扭扭 - 唉~~~ 仔仔唔知道係咪因為上面兩樣野, 呢幾日扭到我頭暈~~~ 成日喊到鬼咁慘, 眼淚大大滴
!!!
一屋大人都無晒辦法~~~ 希望聽日個肚仔又舒服番, 做番個開心仔仔啦~~~
mami好攰呀~~~ gd night~~~~
放心啦cary,以上2樣都係過度期, 過兩三日好快就退架啦. 因為妹妹豬早派病入院打針後又係係個身出紅點. 之後好番大約過多4/5日就自動冇哂.
回覆刪除呢排好多BB都唔舒服喎,希望大家都快快好番過佢地人生的第一個聖誕啦!!!
回覆刪除BB扭計,大人都好辛苦,唔緊要啦,幾日就無事喇,好快捱完,加油呀.
回覆刪除BB病會扭計 d, cary 你忍耐吓啦.....
回覆刪除聽見珏霖甘辛苦, 真係慘啊....... 希望佢快d好番, 過一個快樂既聖誕節啊.....
回覆刪除食咗咁多西藥，唔多唔少會影响佢冇便便架！佢得嗰5個月人仔，對藥有敏感唔出奇！珏霖仔，希望你快d好番晒..mami唔駛咁辛苦啊！
回覆刪除要加油加油呀!!!!!
回覆刪除我個仔仔呢牌都係勁扭計, 成日搵我工人, 我同老公抱佢都唔得, 喊到折天, 星期日就慘啦, 不停喊. 我諗佢當咗我工人係佢呀媽, 幾時先會唔喊呢?
回覆刪除係啦..呢排真係好多人病..要小心身體..
回覆刪除照醫生咁講應該無事嘅! 希望珏霖快d好番啦!
回覆刪除頂住, 頂住!!!
回覆刪除呢排好多BB唔舒服呀, 我個仔都病左成2個月呀, 仲未好返呀,
大家支持啦.
慘囉~~ 仔仔豬仲係扭計豬, 快d乖乖好返晒同daddy mommy一齊過聖誕
回覆刪除cary, 俾多d水仔仔飲, 希望有幫助佢便便喇, 小吉因為之前已經開始食蘋果蓉同飲橙汁, 婆婆keep住都有俾呢2樣野佢食, 所以佢飲左咳水都有便便囉
我阿仔又係呢兩日扭得好勁,但見到佢個口爆緊4仔牙出黎呀,真係好炆架
回覆刪除係呀,如果無便便你可以用探熱針楂晒VASELINE,篤入去盰門度KEEP住唔煜,一陣間就會大大架啦.PS篤入去時,BB係唔會喊架,當平時探熱咁就OK
回覆刪除