愈來愈close嘅父子 ^.^

自從mami個肚愈來愈大, 體力真係大不如前, 成日覺得好攰同周身骨痛!!! 好多野都做唔到, 或者唔想做喇!!!

慢慢... 好多好多揍仔仔豬, 陪仔仔豬, 甚至照顧仔仔豬嘅野, 都落左去dadi個膊頭度, 變埋佢嘅duty喇~~

例如: 幫lumlum冲涼, 出街抱仔(佢地多數鐘意騎膊馬!! ^.^), 同仔落公園玩, 陪佢係屋企玩玩具, 朝早7點幾個仔起身就由dadi出廳陪玩比mami瞓耐d....

真係好幫得手呢~~~ dadi~~~

之前開頭陀細b時, 仲有d擔心... , 妹妹出左世mami要成日揍住佢同餵mama milk時點好呢?? 珏霖當時又唔係咁跟dadi, 乜都要搵mami, 陪玩陪食陪瞓去街......., 樣樣都扭mami咖!!! mami到時一個黠揍兩個呢???

又怕lumlum淨係鐘意跟我, 咁妹妹出世分薄左我d時間精神, 佢咪好陰公????

原來~~~ 慢慢就會ok晒喇!!! ^.^

睇住佢地兩父子愈來愈friend, 愈來愈close, 愈來愈lum!!! 我真係好感動好開心呢~~~ ^.^

多謝你咁錫我地呀~~~ 老公~~~

妹妹出左世之後, 換片片, 哄瞓覺都預埋你一份吓!!! ^.^ 到時我地分工合作揍掂兩個, 加埋個好姐姐做家務煮飯, 又有3姑婆同嫲嫲爺爺外援,一定一家人開開心心, 輕輕鬆鬆咁又過左最辛苦嘅頭幾個月!! ^.^

然後又可以好開心好lumlum咁一家4口周圍去喇!!! ^.^