2009.4.15 帶lumlum豬見妹妹

今個星期三啱啱又去見多左一次妹妹喇, 不過d相機壞晒, 無得影相!!!

上個月嗰次檢查都未update番呢~~~ 哈哈!!!

lumlum豬去到醫生個醫療中心度, 見到咁多人, 好好奇呢~~~

教佢坐定定, 等陪mami見妹妹!!!

帶左呢本非常好書去睇!!! ^.^ 成日想搵本講做哥哥嘅書比lumlum豬做定心理準備, 可惜香港d書店搵唔到覺得好嘅, 有本中文嘅"我從那裡來?"係講生bb嘅, 不過唔係專講細b!!!

結果就係我平時好鐘意去買英文書嘅地方搵到呢兩本超級正嘅圖畫書書!! only圖, 無字咖, 可以任我講!!! ^.^

第一本waiting for baby就講個大b陪住mami陀bb, 陪mami睇醫生, 照ultra sound, 買細b用品... 等等~~~

lumlum豬睇左個幾月, 終於陪到mami一齊去見醫生睇妹妹喇!!! ^.^

去到醫療中心又revise多一次, 等佢一陣入去見妹妹時乖乖地!!! ^.^

第二本就係my new baby, 即係bb出左世喇!!! 幫mami, dadi手做家務, 換片片攞濕紙巾.....

最鐘意佢有一版係講大B陪住mami餵細B人奶!! 我成日擔心仔仔豬唔知接唔接受到妹妹出世會食我奶奶, 而家佢睇完明白左細BB先食, 而大B就可以陪住一齊, 摸吓妹妹個頭仔咁, 叫佢乖乖食MAMA MILK!!! ^.^

呢個系列嘅書書真係幫左我好多呢, 仲有一本係baby sitter同埋man's work!!! hehe~~~ 啱啱姐姐黎左, 同佢睇baby sitter等佢知道有時dadi mami有野做, 有個姐姐可以陪佢玩吓, 煮打比佢食, 同佢去vivi, 刷牙等等~~~

而man's work就之前教佢同dadi兩個一齊玩做家務!!! ^.^ 仔仔豬最鐘意兩父子勞動完一齊嘆汁汁嗰版~~~ haha!! ^.^

呢日見完醫生仲有好多節目, 再update先~~~

PS: 今個月見醫生, 妹妹有d oversize左, 叫我要小心飲食... 唔好食咁多甜野喇!!! >.<~~ 唔係可能要驗多次血糖喎!!!! um.... 我個肚咁大, 我都估到妹妹係大隻妹咖喇!!! 不過妹呀~~~ 太大隻mami好難生咖喎, 7磅幾好喇!!! ^.^

係咪因為我成日話想你早一兩week出世, 唔洗mami陀到最後好攰好辛苦, 所以你儲備定d肉先呀??? 哈哈!!! 我地睇4d見到佢面仔同大脾仔都漲卜卜呢~~~ ^.^ 33week已經5磅幾喇!!!

mami要乖乖戒吓口先得~~~ ^.^你都乖乖係mami度住耐d先呀!!!