姐姐已經黎左第3日喇~~~
第一日接佢後, 一齊搭小巴傾左好多佢之前係中東做野嘅野, 之前只係知道佢係中東揍住2大4細,最細都6歲喇!!! 都無乜所謂, 因為打算請佢幫手做家務多過揍小朋友, 點知原來佢話最尾佢個mum又生多左一個, 佢揍左4個月new born!!! ^.^
咁都好喎!!! 第時妹妹出左世, 可以幫手換吓片都好!!! 問佢咁點解唔繼續係中東做, 佢話原來比起黎香港人工低好多, 而且成年都無得放假....
佢有個家姐同埋好多cousin係hk!! 個個都叫佢黎hk好d喎! 希望佢放假出去搵佢地, 大家都係好人, 都係乖乖地黎打份工搵錢啦!!! ^.^
跟住第一晚接完佢, 我地傾好d regulations同大約日日要做乜家務, 就一齊去買左d屋企清潔用品, 然後就一齊返左去爺爺嫲嫲home食dinner同接lumlum喇!!!
lumlum見到佢, 好好奇, 同佢一齊玩同唱歌仔, 都ok喎!!! 姐姐仲識同佢一齊唱barney i love you song添呢~~~ 因為中東小朋友都有睇barney!!! 哈哈!!! ^.^
爺爺嫲嫲都話咁都好!!! 都叫做有d緣份, 起碼唔係一見到佢就喊晒!!! hehe~~~ ^.^
不過食dinner叫埋佢坐低一齊食, 就唔肯喇, 叫左佢坐低好多次都唔肯, 淨係夠膽企係lumlum張high chair隔離!!! 結果要攞少少餸比佢自己之後係廚房食!!! 不過我都明白嘅, 佢唔習慣同我地一齊食, 就算肯食都食得唔安樂啦~~~ ^.^ 由得你啦!!!
跟住第二日開始, 佢就自己進行屋企大清潔!!! 講真, 我地屋企廚房同厠所真係勁污漕.... 抽氣扇同抽油煙機真係勁恐怖!!! 我叫佢慢慢攪, 洗到幾多就幾多!
結果佢第二日一早就洗好晒個廚房, 成個廚房好似新嘅一樣呢~~~ 連個好多漬嘅水煲都擦到好令~~~ 勁!! 下晝自己大洗埋個洗手間!!! 真係好乖好有效率呢~~~ 唔該晒呀~~~
而因為dadi返night, 我地呢日仲煮左兩餐飯食, 佢係隔離學同mark低notes!!! 一食飽飽, d碗筷有人清潔晒, 連個爐頭都乾淨番晒, 真係好感動呢!!! 要我地自己落手煮我都唔介意~~~ ^.^ 不過其實佢都識煮野, 遲d有機會比佢試吓先~~~
總之佢第一日嘅表現, 我同dadi都好滿意, 仲覺得佢太辛苦, 成日叫佢不如休息吓先, 佢又唔肯....
我地覺得.... 可能... 佢係有潔癖嘅, 所以頂我地唔順, 睇見咁DIRTY就要出手清潔~~~ haha!!!
至於lumlum豬呢, 都幾習慣有姐姐係度, 起身會同佢say hihi, 夜晚又同佢bye bye完先上床瞓!!! 其他揍佢嘅野, 如食飯冲涼哄瞓覺都係我地自己做番!!!
不過有時就會等佢地兩個一齊玩吓玩具睇吓書, 今日我都試吓同佢兩個落左公園玩!! 姐姐未係好了解仔仔豬d脾性, 所以有時佢地都會有磨擦, 好似姐姐成日怕佢跌, 成日拉住佢等等, 仔仔豬就會好忟~~~ 哈哈!!! 我要叫佢dont touch him!!! just follow and look after him先得!!! ^.^ 不過, 整體上, 佢地都溝通到, 仔仔豬尤其鐘意比書姐姐同佢一齊睇, 見到d動物佢兩個都用英文溝通到~~~ hehe~~~ 又教姐姐讀A-Z同啪ABC SONG!!
姐姐話佢唔似未夠2歲, 好似識好多野, 同埋好奇怪佢識自己食飯同擦牙咁呢, 佢話之前個6歲都係佢幫佢擦呢... >.<~~~ 我第一日都要教佢唔好餵仔仔豬飯, 比佢自己用SPOON食!!! 暫時都係要睇住佢地先安心!!
最麻煩一樣, 就係而家我地書房變左姐姐房, 夜晚仔仔豬冲完涼同我地入房瞓, 佢就可以去瞓, 之後, 仔仔豬瞓左我想出番黎用電腦時, 就會嘈到佢喇!!! 我同佢講左我地屋企細, 放唔到部電腦出去, 所以有時我夜晚都會入去用電腦, 第一晚我都有入去用左陣, 不過, 覺得打KEYBOARD真係好似好嘈咁.... 嘈住佢休息好似好淒涼咁.... 攪到我都無時間用電腦添......
總之~~~ 好開心好感恩呢~~~ 多謝爸B媽咪!!! ^.^ 又多謝個天比左個好姐姐我地!!! 我地呢家POSITIVE嘅阿Q, 就選擇相信佢一直都會好乖好好, 唔係話啱啱黎到先咁!! 呢兩日都有MOTHER'S DAY活動, 帶埋佢周圍去吓先, 希望佢都習慣同乖乖地啦!!! ^.^
PS: 今日突然接到個OFFER, TOMORROW母親節我有左個非常特別嘅JOB!! 哈哈!!! 都猶豫左一餐, 不過.... 好啦~~~ 一世人唔係成日都有咁嘅機會嘅!!! 而且當我應該係人生最後一次大肚, 留個特別紀念啦~~~ 應承左喇!!! 希望好順利好好玩好開心啦!!! ^.^
PPS: 突然夜d又話都係唔洗我去喇~~~ >.<~~~ 算啦!!!
沒有留言:
張貼留言