大肚=神經質???

發覺自己有d神經質, 成日少少事就好驚, 好緊張, 亂諗一通

我明明係樂觀, 積極, lumlum嘅mui黎咖.... 係咪有左baby會咁咖???

每一次打比老公佢聽唔到電話, 我就會好驚佢係咪有事?? 尤其是佢揸電單車出去時.... 但係以前我都成日坐啦!! 而且佢揸左好多年啦!! 佢又唔會飛車嘅......, 又多數只係揸番工or番老爺奶奶度, 好短程啫... 佢一定會好小心好安全嘅... i want to release the fear＆worries

跟住又成日諗點解baby仲未踢我嘅呢?? 而家18週, 有好多人都feel到啦!  到底baby佢而家點呢??  好似唔係好實在咁...每次見完佢10日度, 就會開始掛住佢同有d擔心喇, 但係無理由照baby照得咁密咖嘛....而且次次見佢都手舞足蹈, 我知道你好健康好乖好舒服嘅, 希望我開始feel到胎動同埋照埋個結構性ultra sound之後會好安心同feel better啦!!  

而個肚皮or子宮又成日好似有d扯住扯住咁, 少少痛痛地..., 可能係因為愈來愈大個肚啦!! 大約由12週開始, 之前問過個醫生, 佢話正常嘅, 只要唔係有規律地痛就ok...!! 但呢個星期又痛密左少少..., o唔ok嘅呢??

夜晚又瞓得唔太好, 仰睡話血液循環唔係太好, 但係我習慣左, 照瞓就會腰骨痛!! 跟住就努力試下向左瞓, 向右瞓!! 買左個側睡枕但係又唔係好鐘意..., 我而家攞番" 阿牛"出黎陪瞓, 希望夾住佢瞓會舒服d啦!!

最後就係擔心b頭頭喇!!好似成日都咁痕咁唔舒服咁嘅?? 尋日佢成日唔去大小二便, 我仲好驚咁同老公講狗仔唔去toliet係有問題, 有d大吉利是就咁byebye咖...(諗起朋友仔隻狗嘛)!! 老公呆一呆問我做乜事"小事化大"!! !!結果我地帶左佢落街行下就ok晒!! 比老公笑左我傻瓜好耐!!

希望打晒係blog release完發up瘋完會好番好多好多!! 開心lumlum番啦!!