B頭睇完好獸醫, 好番好多

2月25日晚, 同b頭去睇新vet!!  b頭都無乜心機, 瞓係個袋有安全感d!!

等左好耐先至入去見獸醫, 呢個獸醫星期一至星期日宦係開朝十晚十, 好勤力呢!! 可能因為佢地有3個vet輪流睇症啦!!

janet介紹嘅係dr.陳學維, 去到個姑娘問我地肯唔肯睇另一個dr.chan!! 不過我地choose NO!! 寧願等多一陣, 結果發覺個個都係睇陳學維!! 唔知道另外嗰個幾個鐘頭係度做乜呢

入到去見到VET- 陳學維, 問完B頭病況之後用手揸住B頭個肚仔FEEL左好耐, 然後話佢係腸炎, 好PRO啊, 人肉探測器!! 仲好詳細解釋狗仔肚痾唔怕, 如果嘔仲大鑊喎!!

跟住我又話比佢知道B頭之前睇皮膚睇極都係咁痕, 食左好多星期抗生素都唔得!!

佢即刻用刀片係B頭耳仔取左少少野去顯微鏡睇下,  然後話B頭係疥癬虫唔係生癬!! 之前個VET錯晒, 仲洗左我咁多錢, 激死!! 不過, 知道就快可以醫好B頭唔洗成日痕到死咁陰公都好LUMLUM!!

VET話只要打幾支針同食藥就可以根治!!

但要先醫好B頭腸胃先可以再醫皮膚!!! 所以下次再去比佢醫喇!!

食完藥之後, 24小時B頭都無再肚痾喇!!

呢個就係2月26日晚B頭等食罐頭加藥嘅為食樣喇!! 已經好好精神, 好番好多喇