Baby 踢我喇 ^^

過年有好多節目, 所以每次寫blog都係update番去拜年去玩嘅情況!!

其實baby已經踢左我好多日喇!

係年廿九晚(16/2)臨瞓攤係度時, 個肚入面好似有d野郁郁下咁, 不過又唔係好明顯, 但應該係baby游緊水

然後, 年三十晚就feel到個肚皮彈左幾下喇, 好sure係baby踢我喇

年初一去拜年仲犀利, 係衛家好熱鬧嘅時候, baby係好似玩埋一份咁左踢右踢!! 係咪同mami&各位親戚拜年呢??

年初二, 返完婆婆家開年, 同老公睇完"番生侏羅館"(好睇呀), 番屋企後baby又好多郁動, 叫老公都放隻手上我個肚度feel下, baby真係細細力踢佢一腳, 哈哈!! 老公都feel到, 唔係我幻覺

年初三, 忙碌日, 由返娘家飲茶到下晝同屋企人竹戰完一再去左叻叻米米home玩到好夜, 兩個幾星期以來, 第一次12點幾都未同baby聽胎教機, baby竟然 12點半開始大大力踢左我好耐, 成幾個字..., 唔知道係咪鬧mami做乜仲唔同佢去聽babyplus瞓覺呢?? 哈哈!! baby, 無乜幾何夜瞓咖喇, 新年嘛!! 乖

年初四, 去tea & lisa屋企玩, baby都有耐唔耐郁下, 我成日坐係度放對手係個肚度feel佢!! 仲攪到芝芝以為我肚痛添!! 哈哈!! 我其實不知幾lumlum自得其樂feel緊baby&同佢傾緊計!!

年初五開始, 發現早晚聽babyplus時baby會踢部機, 朝早就踢少少, 好似瞓得好好地比部機嘈醒想踢開佢咁!! 夜晚就好似同部機玩咁, 好大力踢咖, 我見佢大大力踢左好幾腳又叫老公放隻手係我個肚度feel下, 跟住佢就比baby一大腳踢到成個人彈一彈, hehe.., 佢估唔到我話baby大力踢原來係咁大力同咁明顯咖!!

經過呢個星期嘅觀察, baby係夜晚會活躍d, 日頭好似好好瞓咁!! 真係baby豬黎咖!!

I love you baby!! 你要乖乖地呀!! 今日已經係20weeks喇, 你係我個肚度住嘅日子已經過左一半喇!! 仲有20個星期你就會出世喇!! 我同老公都要開始周圍睇下bb野同格下價先得