2007年2月9日 - 九龍城尋寶^^

尋日下晝, 我同老公出發入九龍城尋寶!!  點解係尋寶呢, 因為係baby kingdom有好多mami介紹去九龍城有正野!!

第一站 - 巴士站, 離遠見到有車, 但係無理由大住肚跑成幾百米啫!! 之後等左好耐, 唯有玩自拍

見唔見到我個肚??

有山賊挾持人質!! 哈哈!! !! 其實係因為好大塵, 我個細心老公用隻大手做我嘅"人肉口罩"



第二站 -第一寶:  萬麗大肚裝!!

都好難搵咖!! 因為佢唔係好靚好光鮮好大間嘅舖頭, 只係好細間係樓梯底咁嘅小舖, 但係點解咁多人推介呢, 首先因為個老板娘好好人, 服務態度very good!!

第二因為佢好抵, 賣嘅衫好多時候都係其他舖頭見到咖, 例如我之前係葵涌買左2條牛仔褲同2條運動褲, 已經覺得唔貴, $179一條, 尋日見到呢度只係每條$98!! 一模一樣!! !!

不過我都明白呢d係因為商場嘅舖頭租金貴d, 於是mark價實高d!! 咁既然知道一樣嘅貨可以平咁多, 當然係去平嗰度啦!! hehe!! 用同樣嘅錢可以買到多好多野, 好lum!!!  有興趣我教你去搵啦

第三站 -第二寶: 好好味沙嗲!!

其實九龍城好多沙嗲, 不過bk mami介紹呢間好好味, 所以我同老公又去試下喇 

hehe, 差不多每樣要一串之後我地去左公園仔坐低慢慢嘆!!

真係好好味呢!! !! 牛肉同豬肉最正

尾站 - 金寶泰越菜

呢間無人推介, 不過原本約左老公中學同學仔團年飯, 點知道佢地突然取消, 咁我地兩個就唯有自己搵食啦!! 去到九龍城不如食泰國野啦, 所以是但搵一間, 見呢間好多人去, 又有好多雜誌貼晒係門口, 決定試下啦!!

一去到就飲左個椰青喇!! 飲左先諗, 到底我而家飲唔飲得呢?? 會唔會又話涼野呢??

跟住我地叫左大頭蝦啦, 泰式炒通菜同埋個招牌老闆炒飯!!  

結果, 最好味嘅係個椰青! !! black list左呢間野先!!!