感觸....

仲有兩日就係妹妹嘅預產期喇.....

呢兩日攬住lumlum豬時, 突然覺得好感觸.... 眼淚竟然好容易咁滴落黎....

我呢個日攬夜攬嘅寶貝豬就快兩歲喇!!!

回想番自己生佢嘅過程, 第一日攬住佢嘅情景, 仲好似尋日一樣!!!

一舊飯咁嘅小珏霖話咁快就識行識走識同我溝通, 識發脾氣, 有自己嘅思想喜好!!!

就快又會生多一個一舊飯咁嘅bb喇!!!

重新再經歷過一次陣痛生bb我都唔覺得驚,  重新再揍一次一舊飯咁嘅bb嘅辛苦日子我都唔怕, 重新再一次做奶媽嘅無得瞓餵餵餵非人生活亦都唔擔心....

竟然係好擔心唔知道lumlum豬會點呢???

好似覺得佢突然間要比人分一半mami dadi好陰公咁呢..... 雖然知道自己會好努力理佢感受, 知道可以錫晒兩個....

總之有d好唔識講嘅感覺, 攬住個瞓著左嘅lumlum豬, 一諗到呢d野就係咁流眼淚........

係咪又有d產前抑鬱??? 好似傻傻地咁.....

仔呀... mami love you much...