38week喇~~~

38week喇~~~

今日又係返qe檢查嘅日子!!!

尋日個肚隱隱作痛同埋耐不耐宮縮左成日, 仲以為今日會生得添... 點知夜晚瞓左又無晒事喇~~~ 可能係練習中~~~

今日仲同左一大班blogger好朋友食飽飽, 飲完茶先去qe檢查!!!

38week嘅今次qe檢查, 先係我今胎第一次有老公陪同嘅檢查呢!!!

次次都係我自己一個去呢, 因為老公一係返工, 一係就要揍住仔仔豬, 我地廢事帶埋佢去醫院嘛!!!

今次呢, lumlum豬就係爺爺嫲嫲度!! dadi就今晚night!!! 其實係因為dadi尋日返中, mami自己攪唔掂佢冲涼等等, 所以尋日已經去左爺爺度!!!

所以得我同dadi兩個去同blogger食飽飽(真可惜lumlum豬今次見唔到你地), 然後就去檢查, 仲諗住又唔知道重左幾多啦!!! 點知...... 無重過??????

即刻好似好大件事咁呢.... 原來要去駁機check bb心跳咖.... 如果重得唔好... >.<~~~ 可能怕妹妹有乜事, 吸收唔好??? 胎盤唔得??? i dont know......

於是... 平時好快就走得, 今次難得有老公陪住... 就去左b3駁機check心跳!!!

妹妹呢, 又唔合作喎!!!! 一路moniter佢, 佢就一路踢開部機.... 郁來郁去!!! 成日都check唔到, 走晒位!!! 攪左個幾鐘先走得!!!

走得已經成5點.... 直接返去爺爺嫲嫲home食dinner, 打算之後揍番lumlum番home....

點知.... mami好唔舒服..... 唔識形容嘅唔舒服, 又唔係陣痛, 係全身骨痛, 好似散晒咁... 可能係出左去成日, 個人太攰喇....

然後個人好down, 好唔開心, 控制唔到自己d情緒, 好想大喊一大場.... 好想快d生左妹妹出黎, 舒服舒服!!! 好唔想老欲公去返night!!! 好唔想又留低lumlum豬無得揍佢返home, 又辛苦爺爺嫲嫲!!! 好多野想..... 好多野唔想.....

個人好亂, 好暈, 好攰, 好痛, 好辛苦...................

係咪產前抑鬱呀?????? 好似真係控制唔到情緒咁呢......

結果, 老公送左我返屋企, 去左返工... 我而家去瞓喇......

希望, tomorrow起身好番晒, 乜事都無..... ^.^  and 快d生妹妹出黎!! ^.^