23個月大喇~~~

lumlum豬今日(6/6)23個月大喇~~~~~ ^.^ 仲有一個月就兩歲人仔喇!!!

呢幾日執緊入醫院個走佬袋同埋妹妹嘅野, 見到好多珏霖細個嘅衫仔, 玩具仔, 諗起之前生珏霖, 開頭坐月由朝到晚係咁餵奶嘅日子, 睇番自己生仔仔豬嘅回憶錄, 一切都好似只係好近期發生嘅事...... 乜咁快就過左兩年呀????

係揍仔嘅時間過得特別快, 定係人大左, 老左, 時間就愈來愈快過???

其實好想同仔仔豬攪個生日party呢, 不過今年要生妹妹!!! 下年啦!!! 兩個寶貝一齊攪啦, 好唔好?? ^.^

好期待妹妹嘅出世, 好希望仔仔豬同埋我地一家人都好容易好輕鬆咁適應到初生妹妹嘅來臨, 好開心咁渡過開頭揍bb餵奶奶嘅階段!!!

好希望妹妹快d出世 , 等哥哥lumlum生日嘅時間已經一切都上左軌道, 可以同仔仔豬慶祝吓~~~

仔仔豬今日去左爺爺嫲嫲度呢, 因為dadi返左3日工, 今日仲要係中更, mami已經好攰喇!!! 乖乖豬, 瞓好d!!! mami聽日又要去做野, 可能要星期一先揍番你呢!!! 你要乖乖聽爺爺嫲嫲話, 叻叻豬食好d瞓好d呀!!! 

mami今日都上左好多新貨上網喇~~~

多左聖經故事系列 同埋一d玩具&蒙特梭利教具呢!!

仔仔豬玩呢個cylinder插座圓柱體已經叻左好多喇!!!

初頭玩嘅時間個相機壞左, 無得拍video... 嗰時佢差不多個個hole都會試吓插, 然後no no no自己, 錯左再試另一個!!  

而家呢, 已經有兩個階段嘅cylinder可以靠肉眼睇到應該係插邊一個位喇!!!

仔呀仔~~~ 23個月快樂!!!!! mami & dadi love you very very much!!!

希望你健健康康, 平平安安, 每一日都好快樂好開心~~~ ^3^