女王的教室

今晚食飽飯回來和BB開完生日會後兩仔爺就入左房瞓覺，得番我一個無野做睇左女王的教室！

好感慨咁！所以又blog一blog發洩一下咁啦！

睇住套電視劇時个心有啲梗住梗住嘅感覺！點解我會咁容易放棄左自己教書呢個理想？而亞久津老師咁努力咁堅持呢？當然做劇同現實係有分別嘅！睇到我都好掛住啲學生！

之前無乜心機睇呢套劇，因為佢嗰套教學法同我嘅教学理念完全相反！我主張同學生係建立關係先，大家做左朋友就好容易好smooth咁解決到好多問題！而事實上我教左幾年都好work！每年嘅學生都變晒朋友咁，有心事又可以傾，有事時又會聽教！越曳越多問題嘅小朋友都好多時係屋企問題！越曳越可憐！唉！

回想幾年嘅教學生涯都好無悔同好有滿足感！各位同學仔記住少啲是非，好好努力讀書！各位偉大嘅老師就繼續努力，堅持教好啲學生，唔係只係成績好，係教識佢地做人！！越曳越難教越需要好老師啊！加油啊！我就努力睇吓仲有無其他有意義嘅野努力！否則都可以重執教鞭！睇吓點先啦！