3日了....

眨下眼就3日了!! 要返工的老友們的long weekend 結束了!! 很多節目呢! 連blog都荒廢了3日了

<29-9-2006星期五>

朋友仔chitchit失意, 由放工6點幾見面兩個人傾計, 到10點幾開始十幾人一齊, 至4點幾又變番兩個人打的回去! 不知道你好些沒有呢 ? 雖然還是要靠自己振作回復, 但記住你需要朋友時大有人在呀!! 到底我地10個鐘頭飲左幾多杯呢??

另一超級好友99就由這天開始1個變成2個了!! 恭喜恭喜!! 找到喜歡又合拍的人好替你開心! 我都要好好適應一下你有女朋友了的日子, 要開始學習唔好事事煩你了!! 要幸福lumlum呀! 仲要記住休息同拍拖同工作都要balance呀!!!

回家已經很"早"了啊!!看到老公的＜唔痴家怨言＞!! 咁啱朋友仔們有慘事和喜事!! 無法啦!! 下次早d番啦

<30-9-2006星期六>

老公返中,所以我打算大覺瞓! 點知瞓得唔好 , 十二點幾醒左, tm完都瞓唔返, 一直攤係床睇書抖下! 打算等老公放工早d瞓, 點知到老公同學仔約我地了, 好難約得齊人的佢地今次好奇怪地全部出現! 所以就全部黎晒我地屋企了! 加上yanyan, 就成就左1枱台灣仔同一枱鋤大dee了!!大家都玩到唔願走, 好盡興!!

<1-10-2006星期日> + <2-10-2006星期一>

去天水圍做節日!!! 去嫲嫲家食魚翅打牌食飯! 之後因為放星期一yanyan地又身痕! 同表弟一 齊12點幾上左去叻叻屋企!!! 攰死人!! 天光先走!! 老公返夜仲未放工, 同表弟返去傾計竟然傾到9點鐘!!! 表弟仔20歲人仔但人生多采多姿, 嚇死人嘅經歷多鑼鑼, 聽到我眼都大埋! 好彩一切已成過去, 生生性性了!! 結果同老公食埋早餐先瞓!! 6點先再起身食飯同租書租vcd回家!! 終於有電寫blog了!! 一陣準備落去打羽毛球睇碟二人世界抖下!!

總結係日夜亂晒, 好彩放緊悠長假期!!! 唔係明早要返工就死梗!!! 今個星期三又會去NLP seminar! 會正正經經咁諗下跟住想點先!!