暈....忟.... 攰....

呢個星期嘅mami, 每日朝早都覺得好暈....

唔係一起身就暈, 係食左早餐之後就頭暈暈, 眼花花咁!!! 又唔會暈到瞓左係度, 只係就咁坐係度都覺得有d辛苦, 但係偏偏珏霖豬就成日拉住我陪佢做呢樣, 做嗰樣咁..... 又要坐係地下陪佢玩, 個肚咁大坐低起身好鬼辛苦呢... 唔陪佢又扭扭扭.... 於是有時好似控制唔到自己咁好忟憎, 真係20個月以黎都好少會咁惡c咁鬧仔仔豬, 唉.....

問過醫生佢話我唔係貧血, 又唔係一日到黑都暈!!! 最大可能係太攰喇!!! 休息得唔好所致.....

咁又絕對唔出奇嘅... 因為而家細b成日都大大腳踢我, 而且踢嘅位置仲要係好低或者好怪怪咁, 所以我成日都覺得好辛苦, 瞓覺都瞓得唔好!!! 而夜晚又成日要去洗手間, 去完一陣又好似想再去咁....

跟住珏霖又唔係瞓得好好, 成日都會半夜醒醒地就係床仔搵mama, dadi去拍佢佢會大喊醒晒, mamamama咁..... 一定要我去拍佢先得!!! 成晚起身瞓低真係腰酸背痛!!! >.<~~~ 

跟住可能係咁成日瞓唔到去深層睡眠狀態.... 個人好攰, 好忟!!!!

再加上呢排要執屋企野!!!

哎呀!!!

好攰呀!!!!!!!!!!!!!

希望~~~~ 呢幾日好順利咁整好晒d野, 快d執好晒間屋!! 然後一家人都瞓得好好!!! 健健康康 , 舒舒服服!!

呻完就會好好好好好好~~~~~~ ^.^