又可愛又難取悅的....

一歲幾嘅小珏霖前排都令我好頭痛!!! (呢兩個星期已經好d喇!!! )

好容易就好忟憎, 少少野就大喊, 一發脾氣就瞓地.... 係街都試過呢!!! >.<~~~ 不過多數我唔睬佢, 佢就會起身自己行番過黎攬住我喊!!!

呢日係interview完, 陪我地食完野, 行番屋企時唔記得有乜唔比佢, 就咁喇....

之後上到樓又黎多次呢..... 忟到呢..... 好彩唔係interview時咁咋...仔!!!!

好耐之前其實ada ee介紹時, 我已經睇左呢本書("你的1歲孩子 - 又可愛又難取悅的年齡" , 信誼 -出版 , 兒童發展系列!!! ), 不過當時仔仔豬仲係8個月, 睇完都未係好理解, 未係好埋身.....

呢期一開始煩惱, 又再睇多次先~~~ ^.^

其實最主要都係提醒我地做父母嘅, 體諒一歲幾嘅佢地其實自己面對緊好多挫折, 好多野想做又能力未及做唔到, 好多野想同我地講, 我地又聽唔明!!! 佢地好多時發脾氣其實就係挫折感爆左燈!!!

我地唔可以當佢地係兩歲幾嘅小朋友咁覺得佢地應該明白道理!!! 明白佢地成日想做一d可能佢地其實能力未及嘅事, 盡量係佢未好挫折好發癲前輕輕幫佢一把(但係又唔係成日一早出手幫左佢做喎, 否則佢仲勞氣, 喊死都似!!!)

盡量provide一個安全舒適嘅環境任佢地又探索同發洩佢地嘅無限精力!! ^.^ 如果佢真係想做一d危險野時就分散佢注意力, 例如: 你見到佢想伸手拉電線時, 立即用好開心好興奮嘅聲音攞起另一樣野(當係架車), " 嘩!!! 呢架車車好靚喎!!! bb你過黎同mami玩啦!!! "

咁就唔洗正面衝突, no佢, 唔准玩電線咖...... 又乜又物大家又唔開心喇!!

其實書中有好多技巧去教我地面對而家一歲幾小朋友仔嘅麻煩野!!! 我都唔打咁多喇!!! 大定有興趣就睇吓啦!! 去書局買就$60!!! 圖書館我都見到有呢!!!

希望個個小朋友同家長都開開心心輕輕鬆鬆渡過呢段一歲難攪時間啦~~~ 跟住2歲又話trouble 2喇!!! 哈哈~~~ 真係要一邊做父母, 一邊不停學習!!! ^.^ 加油加油~~~

ps: 爺爺嫲嫲話仔仔豬去到佢地屋企, 好少發脾氣嘅呢.... 反而有時我一齊返去食飯, 佢地就見到佢個忟樣扭計樣.... 小朋友, 你係咪蝦mami呀???