2008.10.3 第一次剪頭髮@salon

2008年10月3日, dadi返工, 我地去左alva ee, 仲第一次帶左仔仔豬去audrey去過嘅salon剪頭髮!!! ^.^ 唔該晒alva ee幫我地影相相!! ^.^

去到影番張長毛霖先~~~ ^.^

mami抱住佢剪, 所以mami都要著袍!!

幫隻豬仔著左呢塊野先!!!

點知, 著完佢好似好唔舒服咁, 好想伸番對手出黎, 所以換左條細毛巾仔圍住!!!

換左就可以乖乖坐定定喇!!! 開始剪喇~~~

仲好留心咁望住鏡入面嘅自己!!! ^.^

面仔尋日係動植物公園比蚊蚊咬完, 開始有少少腫 >.<~~

開始剪前面嗰d喇~~~ ee話: 唔好郁呀!!!

阿仔比我地想像中定好多, 乖好多呢!!! 仲識得同mami一齊望鏡入面個鏡頭影相!!! 哈哈~~~

我地一早預左佢可能會扭計, 所以帶定左星星餅同埋好淡嘅利賓納!!! ^.^

既然你咁乖, 就醒吓你啦!!! ^.^ 邊剪邊嘆星星餅!!!

剪耳仔邊d頭髮最要小心, 好彩有野飲, 阿仔好定定咁就攪掂喇!!! 仲要一邊飲, 一邊繼續睇住塊鏡, 睇住ee點剪!! 哈哈!!!

飲晒~~~ 亦都差不多剪好喇!! ee都讚好乖乖呢!!! mami細個出去剪頭髮, 婆婆話我係飲住一支可樂咖!!! 哈哈!!!

到最後開風筒吹番走d頭髮, 就有d驚喇!!! ^.^ 

完成~~~ 返左去alva ee屋企冲涼同換衫, 仲有工人姐姐幫我地膠紙痴番晒d衫褲鞋襪嘅頭髮碎, 真係super唔該晒呀!!! ^.^ 

tomorrow先update番係alva ee屋企同audrey玩嘅相先~~~ ^.^