10月18日, 係珏霖第一次去面試嘅日子呢!!!
地點係好近我地屋企嘅某聖公會幼兒園!!! interview時間係12:45!!!
開頭都有d擔心個時間唔係幾啱, 如果佢早起身, 好多時12點幾都係瞓緊覺或者扭緊眼瞓!!! 打算如果係就比佢早d起身, 然後早少少10點幾11點瞓一陣就好喇!!!
點知, 到嗰日一早6點幾就自己起身, 仲要落床出廳玩得好開心!!! 到8點幾就瞓番, 一路瞓到....12點!!! 嘩!!!
即刻起身餵佢食左飯先!! 然後落去面試喇!!! 好彩咁近咋!!!!
於是, 食飽又瞓到好飽嘅仔仔豬, 就好好心情咁去面對佢人生第一個interview喇!!!! ^.^
去到mami同佢跟一位老師入左一間課室先!!
老師見到佢話, 嘩! 好細個呀佢!!! 係見nursery咖? 我諗佢地呢日一次過見n1同k1嘅小朋友!!! ^.^
枱面放左3款玩具比仔仔豬玩!!!
第一個係穿4個有hole嘅星星落個座, 仔仔豬好快攪掂, 仲係度star star聲!!! ^.^
第二個係有好多動物嘅玩具, 要按唔同嘅掣彈d動物出黎!! 有d係mami幫佢手先成功!!! 仔仔豬自己指住隻鴨係度講"鴨鴨"!!老師讚佢叻叻呢!! 問佢其他動物佢都識指比老師睇!!!
第三個玩具都未開始玩, 呢個老師就話ok喇!! 要去另一間房喇!!!
另一位老師黎想帶我地去另一間房時, 呢隻馬騮仔就發現左周圍好多野玩, 好多野睇喇!!! 自己行左去周圍摸, 唔肯跟我地走呢!! 最後要mami抱走佢, 好彩佢都無發脾氣喊!! ^.^
入左另一間課室, 就放左好多唔同生果同蔬菜玩具係枱面一個膠籃入面!!! 仲有一張有唔同蔬菜嘅圖咭係度!!!
仔仔即刻自己玩, 仲想放d食物入口.... >.<~~ 老師係咁話污漕呀!!! 唔好呀!!! 哈哈~~~
跟住佢自己將個粟米match落個圖咭嘅粟米度!!! ^.^我諗係老師想見到嘅野o卦??
然後老師叫仔仔俾個士多啤梨佢, 阿仔又好聽話咁俾左!!!
跟住就問我問題喇~~~
(1)有無其他兄弟姊妹呀??? (無...)
(2)平時邊個揍佢咖?? (我 ^.^)
(3)瞓覺有無乜特別習慣呀?? 洗唔洗大人陪呀??? (要陪咖!!! 其實返全日要瞓覺我都好擔心咖!!!) 唔怕~~~ 我地有適應期嘅!! 小朋友見到其他小朋友自己瞓, 佢就會學咖喇!!!
(4)食野係應該仲要餵啦! 佢仲咁細!! (唔係呀!! 佢自己"畢"黎食咖, 不過我都會幫手餵!!)
(5)平時獨唔獨立呀??? (吓? 即係點呀??) 即係會唔會自己玩呀?? 定係要大人陪住, 一定要痴實?? (佢會自己玩!!! 不過我都成日會陪佢玩!!!) 咁都好叻喎!!! 好多時呢個時期嘅bb都會痴住mami!!! 一定要陪住呢??? (係咩??)
呢個時候嘅仔仔豬就自己行左去隔離個廚房玩具玩煮野食!!! ^.^ 又去坐人地d細枱櫈!!!
跟住老師好似無問野喇!! 變左我地大人傾計咁~~~
老師話我知佢地係返8am至4:30pm!!! (唉... 其實我唔係好想仔仔豬返全日呢.... 好似見得佢好少時間咁呢!!! 但係最近呢間n1係只得全日呢.... 所以我都報左先..... 當然我無咁同老師講啦!! )
我問左佢地開學時會點??? 有無得比家長陪?? 佢地話有一星期適應, 開頭就一個鐘頭先... 慢慢調整!!!
佢話珏霖一d都唔怕生保呢, 而且好鐘意周圍探索, 樣樣都研究!!! ^.^ 應該都好易適應新環境同學校生活!!!
仲好似吹左好多水咁呢... 我唔記得lu~~~
之後有另外一對twins跟另一個老師入左呢個課室, 仔仔豬走左埋去同其中一個傾計呢!!! 想攬住人地, 仲同人地握手仔!!! ^.^
就係咁, 傾多陣, 比仔仔豬玩多陣... 就見完喇!! 因為只得一班n1, 所以只會收10-12個!!! 嘩!!! 咁少咋!!! >.<~~ 等7-10日後通知啦!!!
珏霖第一個interview就咁完左喇!!! ^.^ 我覺得其實都無乜test佢地d乜呢!!!
而我就覺得呢間野比我想像中靚呢!!! 可能因為佢只係開左兩年!! 好新!!! ^.^
d 設施都幾靚!!! 課室幾大, 入面又有好多架分類放好左好多唔同玩具, 都幾好咁呢!!!
而雖然無室外遊樂場, 但係就有個室內playground仔, 有得玩slide同埋有好多唔同嘅車比佢地玩!! 每日都會有一段時間可以去玩!!
唔知道其他nusery係點嘅呢??? 其他apply左嘅都係11月先再通知幾時interview呢!!! ^.^
無所謂啦~~~ 到時再算啦!!!
總之, 仔仔豬呢次表現都好好!!! 我地繼續努力啦~~~ ^.^
ps: 好多媽咪問我到底個腰包係乜黎咖??? 邊度買咖???
係hipseat黎咖!!! 因為就咁抱仔仔豬好重呢, 成日都會周身骨痛, 用左呢個可以用腰力幫手!!! ^.^
tamama介紹左我買好耐咖喇!! 不過一直到要去長隆, 諗起可能要抱佢好耐, 實攰c個膊頭同手臂, 先的起心肝去買!! 
我post左係分享嗰邊呢~~~ ^.^
http://hk.myblog.yahoo.com/cary-sharing/article?mid=1097
good luck to lum lum
回覆刪除呢間學校都算考得多野喎, 好彩叻叻霖霖都一一pass左, 叻叻豬~
回覆刪除叻叻霖霖﹗﹗﹗ =)
回覆刪除霖霖豬真係幾叻喎~~~~
回覆刪除由媽咪湊住, 真係學野都快d呀
回覆刪除珏霖一定考到啦, 又乖又叻.
回覆刪除哈哈, 你終於都買咗HIPSEAT, 都話架啦, 好好用架.
好叻猪喎.......GOOD!!
回覆刪除d interview 資料好有用喎 .
回覆刪除有無 apply 救世軍呀 , 佢哋好似好 full 呀 , 我同謙謙報 2010 年都已經係 waiting list 啦 .
Thanks 告知個 hipseat , 好有興趣呀 .
我囝囡讀的N.1班都係十個人多些架咋，都係冇outdoor playground,只有室內playground,有slide,好多車車，屋仔（佢地叫做”大肌室”）老師一星期會帶佢地出去出面d公園玩30mins的，其實同妳interview那間都差不多
回覆刪除what is N 1 ah? Nursery 1? when will it start? at 1.5 yrs?!!?
回覆刪除珏霖好叻啊! 但咁細個就可以讀n1嗱!? 似乎個老師都好滿意珏霖嘅表現喎!
回覆刪除吓!我初初睇仲以為你想比仔仔返全日,但原來係冇得揀架!點解學校咁特別嘅,我未聽過唔比只返半日喎!如果要返工就迫於無奈啫,自己湊嘅話半日就夠啦!n1唔同k1喎,係唔係有誤會呀!就算係k1我都唔捨得擺低個仔咁耐啦!
回覆刪除CARY.....好叻叻喎珏霖...我地仲未見面呀.......你快D約下我啦..或者行經尖沙咀約下我...同彩鈴啦....
回覆刪除Bibimama 我小朋友友讀的都是全日架,沒有得半日的, 由N.1 to N.4都一律全日的 (N.2-N.4 = K1-K3)佢係叫Nursery school,唔知係咪托管形式去方便一些要返工的家長所以時間會長些咁樣
回覆刪除如果要番全日, 仔仔豬o甘叻,應該好快適應! (我個 囝17 個月番Nursery Daycare, 可能有番開church既nursery, 都係識得自己去玩, 唔怕生保。 最初我都怕佢唔適應o的scheduling, 點知佢真係學o左o的同學仔, 第三( 四) 日就 識得到時到候 自己 瞓. 唔駛擔心! 而家 佢 番足十個鐘(7a-6p),全校師生走哂,都唔肯上車番屋企!!!) 不過o甘細就未識sharing, 日日都會係學校同小朋友爭野玩! 喊 cc. ( 所以小班會方便老師照顧) It's a part of learning 但 我都好唔捨得. Anyway, good luck!
回覆刪除玨霖咁快INTERVIEW??? 嵐嵐都報左，但係等通知，不過屋企附近果間就無話要INTERVIEW，淨係叫我出年等消息囉...........
回覆刪除依家我先發現 .. 原來唔係好多幼稚園有 N1 .. 所以依家都要留意吓 .. 其實我就唔係太想個囡讀 N1 .. 怕佢唔習慣 .. 但又怕到佢 K1 時 .. 仲唔習慣喎 ..依家都仲心大心細 .. 不過 .. 對於揀學校 .. 真係有 d 頭痛 .. 我個囡現在只有 7 個月 .. 但我諗我都要開始搵吓 d 學校資料喇 .. 如果唔係 .. 到時就急急腳又亂 .. 報唔到就屎火喇 ..
回覆刪除嘩! 呢個interview要識好多野先得wor, lum lum sure win la
回覆刪除