上回記錄到仔仔豬同dadi威係酒店房玩得好開心好興奮!!!
玩到成5點幾先飲杯奶奶瞓晏覺!!!! ^.^
我地一早book左夜晚嘅大馬戲tickets!!! 大約7點要去攞位喇!! 個傻豬都未瞓夠又出動喇~~~
去到差不多19:15, 已經坐左好多人喇!!! 我地坐左係側面台嘅第一行!!! ^.^ 好快就開show喇~~~
其實都幾怕又黑又大聲音響, 珏霖唔知會唔會扭計呢????
點知~~~ 見到d動物個傻豬興奮到不得了!!!! ^.^ 不過都有d緊張, 攬得我好實, 但係就好投入好開心~~~ ^.^
呢個係玩好危險嘅4個鐵圈不停咁轉轉轉(好似金毛鼠玩嗰d咁呢), 佢地就係入面做好多動作, 又無安全帶, 好得人驚表演嘅人!!! 表演完竟然過左黎抱左小珏霖一吓!!!! 
好彩唔係抱左上台!!! 哈哈~~~
馬戲團有好多唔同嘅表演, 都好精彩呢!!! 好明顯如果係動物表演, 仔仔豬就好鐘意好留心!!! 如果係人嘅表演, e.g. 空中飛人.... 佢就會無咁投入!!! ^.^
唯一例外就係熊!!! 唔知道係咪企得太叻, 太似人扮, 仔仔豬以為佢係人, 無興趣呢??? 哈哈!!
睇完馬戲, 我地去食dinner喇!!! 因為落雨, 我地近近地係酒店間中餐廳食!!! ^.^ 都幾好味道喎!!!
珏霖又食左一餐baby food喇~~~ 睇吓!!! 佢個樣係咪都幾好味呢?? ^.^
之後, 我地經過又睇左陣白老虎!!! 仲見到佢好似貓貓咁幫自己冲涼!!! 仔仔豬仲學佢呢!!! ^.^
返上房就冲涼瞓覺喇~~~ 傻豬呢晚玩咬毛巾!!!! 哈哈!!!
咬住條毛巾周圍走, 成隻狗仔咁~~~ ^.^ 飲完奶奶就瞓覺喇!!!
當晚有兩個願望!!! 第一係仔仔豬瞓好d!!! 第二就係第二日好好天, 唔好好似嗰晚天氣咁!!! 結果, 一個得左^.^!! 一個唔係咁得~~~ >.<~~~
到底係點呢??? 待續~~~ ^.^
你係邊到訂房架???
回覆刪除[版主回覆10/18/2008 11:31:00]我地係中旅社訂咖!!! 其實都係分開幾樣book!!!都唔算package!!! 酒店房, 船票s, 馬戲團tickets同埋動物園tickets!!!
我研究過咁樣啱bb多d, 如果跟團平好多!!! 但要好早起身, 同埋好遲先有得上房!!! 仲無得住長隆酒店!!! ^.^
好搞笑呀.霖霖學白老虎咬毛巾...仲有食粥仔個樣真係好似好好味咁~
回覆刪除[版主回覆10/21/2008 01:59:00]^.^咬住唔放, 好似d狗仔咁!!! 哈哈~~~
傻豬霖霖鍾意咬毛巾！哈哈~
回覆刪除聽你形容，o個度的表演好似同香港有d 唔同...無安全帶，好似真係幾危險！同埋搵黑熊著衫扮人咁表演，其實我覺得隻熊都幾慘~
[版主回覆10/21/2008 01:59:00]其實d動物真係幾慘.....
我都覺得馬戲好精彩！可能等珏霖再大個d去睇，佢先識欣賞呢！
回覆刪除乜肚餓得咁嚴重..要左右手+埋媽咪3隻手一齊畢至得呀..！
[版主回覆10/21/2008 01:57:00]哈哈~~~ 夜左食dinner呢~~~ ^.^
其實霖霖已經好乖仔，咁細個去旅行都咁乖，肯乖乖自己坐係車仔度，又肯乖乖睇表演，叻豬。
回覆刪除[版主回覆10/21/2008 02:00:00]我都有讚佢咖~~~ ^.^ 希望佢一路都咁乖乖啦!!
珏霖好叻喎! 睇馬戲都唔會驚驚。
回覆刪除