2008.10.7 去邊玩好呢??

星期二, 原來係公眾假期~~~ 而家做左師奶仔真係無晒假期觀念, 個日曆剩係mark住老公嘅shift更!!! 哈哈!!! ^.^

dadi又咁啱off喎!!! 我地一家人又搵吓節目先!!!

首先同爺爺嫲嫲飲茶先!!! 仔仔豬而家跟我地飲茶次次都食好多野, 直頭可以當一餐lunch!!! 佢多數會食好多腸粉同包包!!! 仲有同mami爭食馬拉糕!!! 哈哈!!!

飲完茶, 爺爺嫲嫲拖住行!!! 由酒樓行到去新都會呢!!! 叻豬!!!

努力行斜路上天橋!!! 肯兩隻手都拖住大人好乖呢!!! 仲行得好開心好招積添呢!!! ^.^

去到新都會, 我同dadi去左旅行社研究吓下星期去個小旅行!!! 仔仔豬就跟左爺爺嫲嫲去行supermarket!!!

之後, 我地決定跳上一架巴士!!! 目的地係tuen mun!!! ^.^

傻豬霖眼瞓到不得了, 一上車極速瞓左lu!!!

落車呢, 都繼續瞓!!! 於是我地放左佢落車仔, 我地就行吓商場!!! 個豬仔竟然前前後後瞓左兩個幾鐘呢!!!! 咁鬼嘈都咁好瞓!!! 

瞓醒喇~~~ 玩吓商場入面d機動遊戲先~~~

玩得好開心呢~~~ ^.^ 不過, 塊面仔仲瘀緊呢... >.<~~~

等到仔仔豬起身, 我地出發去真正目的地喇 - 就係屯門嘅公園!!! ^.^

dadi好鐘意呢棵樹呢~~~

仔仔呢??? 好攪笑... 佢而家學識左用個patpat向後坐, 見到公園呢d邊要玩坐坐坐呢~~~ ^.^

自己起身, 坐低, 行吓睇吓d植物, 又再坐吓!!! 仲要好叻叻咁嘅樣呢!!!

傻豬仔呀!!! 地下污糟咖, 不過唔怕啦!!! 你鐘意坐就坐吓啦!!! ^.^

不過坐到唔肯行, 唯有比mami抱走啦~~~ ^.^

好開心發現左一塊可以踐踏嘅草坡!!! ^.^

仔仔豬好努力咁向上行!!! ^.^

然後, 仲有目標地追住d野跑得好快!!! ^.^ 哈哈!!! 原來有好多麻雀仔係草地食野呢, 見唔見到呀??? 唔係落葉黎咖!!! 

當我同珏霖跑到差不多到嘅時候, 佢地就會飛起, 不過只係飛前少少!!!

阿仔好開心好興奮呢!! 不停咁追左好多個round!!! ^.^ 

跌低左嘅牛仔霖!!! 嗰日天氣涼左, mami搵長袖衫時搵番呢件你4個月大時已經著嘅牛仔衫呢: 牛仔很忙!!! 當時好大件, 而家吊腳lu!!! 襯而家仲著到, 著多一次半次影吓相啦!!! ^.^ 

dadi影左呢張做電腦wallpaper!!! 話唔會阻到左邊d icon!! ^.^ 我好鐘意呀!!!

同dadi影吓先~~~ ^.^

仲同dadi一齊睇同摸花花 ^.^

下一站, 我地去左池邊睇烏龜!!!

有好多魚糧係岸邊咖, 所以佢地會爬上黎食!!!

佢地爬上黎, 食一粒, 又返去水入面!! 等一陣, 又再爬上黎再食!!! 每次上黎之後, 阿仔都會好開心咁叫呢!! 仲向住dadi大笑呢同整古怪樣呢!!

睇完烏龜, 我地過橋時, 發現左好大隻雀呢!!! ^.^ 仲有好多魚呢!! 因為有人係橋上面餵魚, 所以聚集左好多好多!!! 我地又企定定比仔仔豬睇左陣!!!

阿仔仲突然指住另一邊草叢叫呢, 原來有隻貓行過呢!!! 我即刻同佢追蹤隻貓^.^, dadi仲影到佢呢!!!

係呢張櫈睇貓貓時, 仲發現左有人玩搖控船呢!!! 又比仔仔睇左一餐!!! ^.^

mami抱你抱到手軟喇!!! 揹吓先~~~ ^.^

最後, 我地去左買野飲, 自拍全家幅先!! ^.^

乖豬雖然好鐘意飲, 不過都肯同我地share!!! 分享係好good咖!!! 希望你一路大個都繼續肯share啦!!!  

之後我地又返左去爺爺home食dinner lu!!! 好開心呢~~~ ^.^ 得閒去親近吓大自然真係好喇!!! ^.^

ps: 呢日其實好擔心仔仔豬又比蚊錫, 好彩有tamama嘅蚊貼, 真係好ok呢!!! 多謝好介紹!!!