第1次見面 ^.^

今日係細b第一次去照ultra sound嘅日子呢!!!

我地都係去番上次睇開嘅黃樹邦醫生, 12:40appointment!!

11點放低左仔仔豬係爺爺屋企, 食早餐出發!!!

好緊張呢~~~ 係咪第二次陀bb太清楚成個過程呢???

自己跟last period計過, 應該係6月尾預產期, 大約7week幾, 應該見到心跳呢~~~

等入去醫生房時, 不斷諗緊: 希望bb著床啱位~~~ 希望見到bb心跳~~~ 希望bb健健康康~~~

上次陀珏霖時第一次見醫生個腦好似係一片空白, 見到佢張磅重紙寫p: -ve仲以為佢話我無bb呢~~~ 哈哈!!!

上一次好快就係blog公開晒~~~ 一d都唔信邪咖呢!!! 今次有少少保留!!! ^.^ 都係等吓先啦~~~

好喇~~~ 終於到我喇~~~

醫生問左d問題, 話都係照左bb先啦~~~

於是... 照吓... 咦!! 好細咋喎!!! 應該未夠5week呢~~~

你係咪經期唔準咖??? 係呀!!! 而且仲餵緊人奶呢~~~

咁你要停人奶喇!!! 個子宮成日都收縮對bb唔係幾好....

而家見到個胎係正確位置, 但就未見到bb同心跳, 過兩個星期再黎啦~~~ 到時就應該好清楚咖喇~~~

哎呀~~~ 好心急呢...... 快d兩個星期啦~~~

哎呀~~~ 要戒奶奶... 一直都想等仔仔豬自然斷奶呢... 點好呢??