2008.10.14 開心長隆之旅 part3

到底結果瞓成點呢??? >.<~~~ 就係勁醒瞓....

原本打算比一張床仔仔豬自己瞓, 我同dadi一張!!! 結果就係我過左去陪佢攬住佢瞓, 不過都係瞓得唔"林", 係咁扭mama milk..... 我諗佢瞓唔慣生保床... 同埋有d鼻塞!!!

第二朝早過我地較定嘅alarm起身.... 眼瞓c mami呀!!

起身又飲杯奶粉奶奶先~~~ ^.^

我地打算一早執好行李, check out去香江野生動物園!!! 係mami dadi努力咁執執執之時.....

bang>.<~~ 有個小朋友周圍走撞左落床尾個角!!!!! 哎呀!!! 做乜design到個床架大過張床辱咁多呀!!!! 於是又起左一大層珏霖閣喇!!!! (如果大家blogger帶小朋友去長隆酒店真係要小心呢隻角呢!!!! )

好彩落去早餐時見到有烚蛋, 拿拿聲同仔仔碌吓先!!! 之後就好好多喇!!! ^.^

酒店包嘅buffet早餐係白老虎餐廳, 即係對住兩隻老虎食嘅!!! 仔仔豬睇得好興奮呢!!!

仲有隻老虎標本...... 唔掂得咖!!!

食飽飽出發喇~~~  ^.^ yeah!!! 今日好好天呀!!!

臨走set腳架影吓全家幅先!!! 尋晚落雨無影到火把相呢, 夜晚個酒店view好靚呢!!!!!

搭免費巴士去動物園..... 點知.... 落左車先知道.... 上錯車 >.<~~~

因為動物園有兩個門口(南門同北門)!!! 我地要先去寄託行李.... 要去北門呢!!!! 大家如果去都要留意呢, 佢地有兩架唔同路線嘅車, 一架係唔去北門咖!!! >.<~~~

好眼瞓嘅mami同珏霖!!!

yeah!!! 10點幾, 終於都到左動物園北門喇!!!

換左tickets, 寄左行李, 可以開始玩喇!!! ^.^

第一件事影左門口個表演時間, 希望可以安排好時間睇晒d show!!! ^.^

行到入去, 見到好多鸚鵡, 原來可以比$同佢地影相!!! $40兩大一細, 用自己相機影一張!!! 好貴咁呢.....

不過我地都有影呢!!! 因為... 哈哈哈!!! 我地有腳架同埋相機自拍remote!!! set好個腳架再揸住個remote, 一次過影左幾十張呢!!!

我地不停咁轉吓樣, 又有d姐姐撩珏霖望鏡頭!!! ^.^ 仲影到個傻豬仔扮雀仔飛飛飛呢~~~ ^.^ 即刻抵晒!!!

不過代價就係比鸚鵡爪整到痛痛地!!! 我隻乖d, 得兩個hole仔, dadi可能隻手郁黎郁去,. 嚇到佢爪得好實, 所以好痛呢....

繼續行行行, 就到左天鵝湖!!! 仔仔豬當佢地係鴨鴨!!! ^.^

然後又行左上一個神秘森林, 一路上有好多唔同雀同動物!!!

下一站就係mami好想去嘅動物幼兒園!!! ^.^

所有bb都係好得意呢!!! ^.^ 有好百厭嘅monkey仔, 雪虎bb....

仲有白老虎bb!!!

同埋小鹿bb呢~~~ ^.^

行到出室外見到呢兩隻bb笑c我地呢!!!

到底呢隻頭髮咁亂嘅係乜野品種呢???

仲同珏霖say hi呢!!! 仔仔豬係咁同佢地講野, 睇到手舞足蹈, 好開心仔呢!!

跟住又有得影相, 今次係小白老虎bb呢!!! 餵佢飲奶奶!! 我地又係set左腳架自拍左好多張!!! 影到個哥哥話太多喇!!! 要停喇!! 

抱番走隻bb, 趕番我地出出面先比我地再慢慢睇呢!!! ^.^ 

再行行行, 行左去花果山!!! 真係超級多monkeys呢!!! 見到佢地好開心咁呢!!! 又見到bb monkey跟住mami!!! 好得意呢!!!

隔離呢d紅pat pat就好醜怪喇~~~ >.<~~~ 仲啱啱見到zoo keeper餵佢地食生果!!!

終於行到我地第一個睇嘅表演喇~~ 就係monkey表演!!! 都幾得意!!! 仔仔豬好眼瞓又八卦唔肯瞓, 而且開始有d流鼻水呢....

睇完個show出到出口見到呢隻長臂猿企正係門口, 好明顯係搶鏡!!! ^.^

放番仔仔豬落車仔, 行左一陣. 佢就瞓著左喇!!! 我地經過小小小動物嗰part佢睇唔到lu!! 有犀牛, 羊, 松鼠..... ^.^ 

跟住dadi陪仔仔係小食store瞓陣, 我自己去左睇雀仔show!!! 又幾好睇喎!!! 可惜仔仔豬瞓左無睇到, 唔係佢一定好興奮!!!

呢隻白鸚鵡識得過黎攞左你手上嘅錢去捐咖!!! 你攞張錢fing fing吓, 佢就會飛埋黎咖喇!!! ^.^ 

睇完雀鳥show仔仔仲瞓緊, 我地又繼續行去下一個show!!!

途中見到貘呢!!! 真係四不像, 好奇怪好特別呢~~~ ^.^

哈哈~~~ 又見到佢呢!!! 同我一樣有個大pat pat!!! 哈哈~~~

瞓到好鬼醜怪呢~~~ 哈哈!!!! 又有個傻人扮佢地!!!

行行行, 行到去白老虎獅子show喇!!! 咁嘈仔仔豬都照瞓呢!!

我地企係後面睇左一陣, 好心痛呢..... 覺得點解要咁迫d動物呢??? 馴獸師好暴力呢.... 睇到好驚.... 唔lumlum唔睇喇!!! 所以好快就走左喇!!

再行行行, 見到好多大象同埋象bb呀!!! ^.^

呢期有5隻bb象呢~~~ 我仲見到佢地食mama milk呢!! 好得意呀!!!

仲見到d小象一齊玩好cute好cute呢!!! ^.^

呢隻瞓低左, 另外幾隻衝埋去玩喇~~~

兩隻一齊責上去, 跟住下面嗰隻bb起身, 上面嗰隻就成隻反轉喇!! ^.^

ps: 整左個gif唔識post係blog呀??? 李太?? or有無人可以教我呀??

影影吓佢地見到佢地衝晒埋黎排晒隊咁呢!!! 做乜呢??? 原來係有人行埋賣香蕉嗰度, 佢地就會排好隊, 點晒頭, 叫你買啦, 餵我地啦...咁咖喇~~~ 哈哈!!! 好得意好為食呢!!!

打到好攰喇.... 待續~~~ ^.^