lumlum豬自己返學一星期 + 媽媽之煩惱!!!

lumlum豬自己返左學一星期喇!!!

咁又月中喇~~~ 時間真係過得好快呢!!!

總括黎講, 佢都適應得好好, 好鐘意返學, 好鐘意班主任老師, 有同同學仔溝通同一齊玩!!! ^.^

星期四同埋五開始食埋lunch先放學喇!!! 老師話佢都自己食得幾乖!!! 大大啖, 食好多!!! ^.^ 真係好喇!!!

其實返全日制學校我覺得真係幾好!!! 一定有餐正經飯食, 又可以定時定候瞓個晏覺!!

下星期就會開始瞓晏覺喇, 希望lumlum豬都好鐘意瞓得好好啦!!!

而家又開始要交form報出面mami心儀嘅幼稚園喇!!

一路報, 一路諗緊: 到底, 想入間好d嘅小學係咪真係要報間名氣d嘅幼稚園呢??

比差不多嘅學費, 返半日, 要搭校車, 課程深d, 有d名氣.......

而家佢讀呢間呢? 我就覺得都幾好, 不過佢好新, 唔知道升到乜小學, 又唔知道佢k班d課程程度如何....

我自己就覺得其實小朋友愈細個愈叻, 學野愈快, 深d對佢地黎講都無問題!!! 所以, 我揀幼稚園好著重課程, 而我又覺得而家教小朋友英文仲易過教中文, 我自己真係唔係好識教"人之初", "弟子規"..... 等等, 所以而家打算報嘅幼稚園都係中文會深d嘅, 而主要係英文好好嗰間我都係打算唔報喇!!!

而家嘅策略, 就係照報幾間心儀嘅, 考到先算啦!!! ^.^ 今年咁多小朋友豬爭!!!

一切都一定有最好安排嘅!!!! 小珏霖, 乜野先最適合你呢???