珏澄2個月大 ^.^

妹妹今日兩個月大喇~~~ 時間過得真係好快呢!!!

我地原本有好多計劃咖, 想跟番哥哥兩個月大嗰時咁, 同妹妹落公園影相啦, 整手腳模啦, 切蛋糕啦..點知... 時間好唔見洗咁, 上晝同哥哥lum去返學, 今日又係好叻仔豬, 半班同學仔6個都無喊, 玩得好開心, tomorrow開始就會全班12個小朋友一齊返兩個鐘頭, 希望仔仔豬都好適應好開心啦!!!

食飽飯打算哄左仔仔瞓覺, 就同妹妹出去買cake等等....

點知, mami攰得濟跟左哥哥瞓, 其實係mami好似有少少作病....

結果,我地淨係襯未天黑, 落左公園仔影左少少相, 然後同mami出左去睇中醫同食左個晚餐!!!

下個月啦~~~ 澄澄~~~ 3個月大先 切蛋糕啦!!! ^.^

去相:

睇番lumlum豬兩個月大時嘅公園相先:去公園影相相^.^

哈哈~~~兩個兩個月大都係咁醜怪豬~~~ ^.^

原來兩個月大嘅哥哥又係成日笑嘅!!!

妹呀妹~~~ 快高長大~~~ 聽日我地又去健康院喇!!! 睇吓你而家幾重先!!!

呢個星期嘅妹妹夜晚都自己係bb床瞓到最少5個鐘頭喇!!!

好乖乖呢!! 有一晚由11點幾瞓到7點先搵奶飲呢!!! 好感動呀!!!

如果有姑婆幫手, 佢日頭都可以隔成4個鐘頭先搵奶飲呢, 真係完全無諗過今次餵全人奶咁舒服, 哥哥嗰時每個半鐘就開始扭食呢!!!

不過如果我自己一個揍佢, 佢聞到奶味就會食密少少, 兩個幾三個鐘頭一次!! ^.^

希望你繼續乖乖豬, 健康平安, 開心快樂啦~~~ love u!!!

ps: 舖頭仔消息: ^.^

下星期, 我地聯同左其他網店一齊開倉3日呢!!! 得唔得閒黎睇吓呀??? ^.^ 

到時會有好多我地唔得閒上網嘅貨呢!!!

不過反而而家網上面已經有嘅玩具同書呢, 我地就未必會帶齊去喇, 因為太多野喇!!!

如果有朋友, 網友打算黎睇吓, 而心目中又已經有d野想要或者想睇吓真貨個樣嘅, 麻煩講聲我地知先呀!!! 落個order話開倉邊日會黎睇貨攞貨又得, 係呢度講我知都ok!! ^.^ thanks~~~

http://smartfamily.shopping.babysky.hk/