2009.9.26 第一次家長日

上星期六, mami出席左lumlum豬 nursery嘅第一次家長日~~~ ^.^

老師好有心機咁整左個powerpoint比我地睇吓佢地班bb嘅日常返學情況!!!

可惜mami無帶相機, 只可以用部電話影低少少相!!!

老師話呢班n班同學仔, 好叻叻, 最勁係食飯, 仲叻同埋快過其他大班小朋友!!! ^.^

仔仔豬有時都想懶豬等老師餵, !!見到隔離位個好鐘意食野嘅同學仔食晒時就會自己快快手食!!! ^.^

外籍老師, 係個cool cool地嘅男老師~~~

因為有好多野玩, 所以小朋友都好投入~~~ 一星期有3堂~~~ ^.^ 反而普通話一星期得1堂!!! 因為我地呢條村d mami覺得英文要多d, 普通話佢地自己識教... >.<~~~

除左學知識, 返學仲可以學到好多社交技能, 例: 等~~~ 真係要有機會先學到等待呢!!!

有時上playgroup, d 老師要d小朋友一個接一個咁做某一樣野, 小朋友甚至mami都好無耐性呢!!! =p

呢張相係lumlum豬同同學仔係toilet門口等齊人先一齊出去排隊!!! ^.^

到底佢地一日返咁多個鐘頭, 有乜玩, 有乜學呢???

老師整狙咁多相比我地睇, 真係好好心機呢~~~ ^.^

n班小bb們, 而家會分組做d手眼協調, 小肌肉運動!!!

例如: 穿珠仔, 畢乒乓球......等~~~

仲有畫圖畫~~~

做手工~~~ lumlum豬頭頂上頂獅子帽就係佢地自己填色咖喇~~~ ^.^

仲有得坐好舒服梳化仔睇書書~~~

老師話呢班小朋友大部份都好鐘意睇書!!! ^.^

仲有d video~~~ 睇到佢地成班同學仔一齊玩, 一齊跳, 一齊唱歌仔~~~  好可愛呢!!!

同埋其實好feel到佢地好開心, 好enjoy d活動!!! ^.^

好鐘意佢地個班主任老師呢!!!

好有經驗, 好有愛心, 好知道自己做緊乜, 好清楚自己教學理念...........

仲好照顧小朋友情緒, 因為佢之前做過一d 24hours, 照顧有問題家庭小朋友嘅pose, 好明白小朋友嘅情緒嘅重要性, 能夠快d發現一d佢地嘅情緒, 同佢地傾吓, 等佢地發洩左去, 唔好屈屈埋埋, 真係好緊要, 對佢地一生嘅影響其實都好大!!!

小朋友唔係咁識表達自己, 所以有個好細心, 會好留意佢地情況嘅老師日日照顧住真係好呢!!!

講真, 返左全日學嘅lumlum豬對住老師嘅時間仲長過對住mami我呢!!!

雖然有時好掛住佢, 但我又覺得其實佢而家每日生活好規律好健康, 又有得玩大肌肉活動發洩精力, 又有健康3餐, 又有好多有野學嘅活動, 邊玩邊學, 又有唔係太多又唔係太少量同學仔一齊互動!!! 可以學到好多社交, 規則, 真係唔係mami係屋企再自己教到佢嘅野喇~~

見到呢個老師嘅教學理念同自己好相近呢, 有少少燒親自己咁.....

尤其是呢句: "我鐘意同小朋友做朋友,唔係做老師!! 你地家長唔好成日嚇佢地呀, 唔好成日話: 你咁咁咁, 我返去話比老師知, 等佢鬧你....等, 我唔希望小朋友係好怕老師鬧佢, 好惡咁!!! 我寧願小朋友係知道如果唔乖呢, 老師會唔開心咖!!! 係因為怕老師會唔開心, 所以乖d, 家長呀?? 你地明唔明我講乜呀???" 

聽到我呢, 係咁點點點頭!!!

呢個就係我教左咁多年書嘅方案喇!!! 與學生做朋友, 佢地就會好乖好合作, 而且可以好好溝通, 可以傾好多計, 咁先可以教到佢地, 甚至令佢地學知識嘅興趣都大好多呢!!!

哈哈~~~ 其實我自細個dream job係教幼稚園呢!!

不過當時覺得無理由讀到上大學唔讀, 讀張cert就教得嘅幼稚園.. 而且人工又唔係太高, 所以繼續學業, 最後決定教書時, 就去左教小學!!!

我覺得d 小朋友其實愈細愈可愛, 愈細個對佢好就愈易教得好, 愈細個教佢多d野, 甚至係深d嘅野, 就學得愈快愈好!! 真係呢~~~ 總之!!! 幼稚園好重要好重要!!!!!!!!!!!

覺得lumlum豬有機會入到呢間學校, 一開始返學就跟到呢個好老師, 真係好幸福呢!!! 難怪佢咁鐘意返學!!! 又食得好, 瞓得好~~~

mami去完呢個家長會, 聽完呢個老師講野, 而且仲知道好大機會呢個老師可以跟到佢地呢班同學仔4年呢!!! 就更加覺得其實係咪唔洗出去讀名校幼稚園呢??? 唔係開心學習最緊要咩???

但佢地細細個係學野最快最易, 深d都唔怕嘅呢... 呢間如果頭3,4年唔教到佢地多d深d嘅野.... 上左小學會唔會辛苦呢??

我都係會要同lumlum豬去考一間好d嘅小學嘅!!! 咁會唔會難catch up呢??? 甚至係咪會難d考入呢d小學呢???

好怕有d 家長到帶小朋友考小學時, 話一面試就compare到晒, 好後悔無帶佢讀d名d嘅幼稚園.等等..... 

好~~~ 都係唔諗喇!!! 考到先算啦!!!

好多謝呢位老師!!! 多謝晒天主安排左間好開心嘅學校比lumlum學習!! ^.^

前面嘅路仲有好長好長, 一定會有最好最啱你嘅安排嘅!!! 

加油加油~~~ mami loves you~~~ 仔~~~

30/9 開倉推介第八擊: **開倉前賣清光 -好玩推介** 一套6架磁性車車