2008.12.21 pre-christmas bb gathering ^.^

2008年尾仲有好多節目未update添~~~ 等我快快手記低埋佢地先!!!

係個blog度一search一click就可以睇番去過邊, 玩過乜, 到底舊年今日做過d乜, 真係好方便好開心~~~ 每次我同老公咁樣做時, 就比我好多動力去繼續寫落去!!! ^.^

講真由大肚到仔仔豬一歲半以黎, 實在影左好多好多相!!! 有個咁鐘意影相嘅老公真係有好多開心回憶, 不過實在好少時間可以慢慢逐個folder開番黎睇!! 而有個blog就幫我好有系統咁整理好左呢兩年嘅事!!! ^.^ thanks blog~~~~~

好喇~~~ 開始喇~~~

2008.12.21 星期日,  我地一家人首先去左church先!!!

然後就出發去東涌!!! 多謝tamama安排, book到呢間好難book又抵食嘅buffet!!! 我地一去到東涌就見到靚仔蝦爺喇!!! ^.^ 仔仔豬就瞓左覺~~~

我地當日有17個大人同9個小朋友呢, 酒店比左呢個corner位兩張大枱比我地~~~ goodgoodgood~~~ ^.^

睇吓~~~ 珏霖豬瞓左覺, 小吉吉同tama仔幾痴纏!!! 雖然之後我地發現小吉吉好似當左tama仔係珏霖, 不過.... 算啦!! 吉吉~~~ 你揀有錢仔都啱嘅, ee唔會怪你咖, 哈哈~~~

仔仔豬瞓左覺, 我同dadi好嘆咁食食食呢~~~ dadi仲有時間幫每家人影張相!!! 佢最鐘意嘅儲齊一套~~~ ^.^ 人人有份!!!

阿仔好好瞓, 瞓左好耐呢!!! 後來我地派出妹妹豬去攪吓佢, 就醒喇!!!

醒左回左魂就同小吉吉玩喇, 兩個又揤黎揤去!!!

不過, 兩個小朋友好快就爭野玩喇!!! 爭巴士呢..... 阿仔成功搶左之後仲柅返黎搵mami添~~~ tamama, 你係咪幫我訓話佢呀??? ^.^ 

之後, 小珏霖就開飯喇~~~ thanks晒tamama請珏霖食飯!!! 不過buffet實在太多野吸引喇~~~ 仔仔豬唔係食左好多飯飯, 之後就食其他野喇!!!

mami攞左3個唔同嘅生果, 打算教吓珏霖認吓青同紅蘋果&梨, 然後切開大家小朋友一齊食!!! 點知.... 小珏霖逐個咬.... 仲要真係咬得入兼食左唔少呢..... 結果就係我地一家人食晒3個喇~~~ ^.^

仔仔豬似乎最鐘意青蘋果呢~~~ ^.^ 

之後, 就係交換禮物時間喇~~~ 一歲幾嘅小朋友已經可以自己交換喇, 我地比d有number嘅紙仔佢地自己一人揀一張!!!

然後, 就係開禮物時間喇~~~好混亂呢!!! 不過好開心呢!!! ^.^

我地換到thomas畫版呢, 好靚呀!!! ^.^

珏霖豬拆禮物時, 小吉吉竟然行過去摸佢個頭呢, 好攪笑呀~~~ 做乜呀??吉吉??? 馬騮仔捉"室"呀??? ^.^

大合照時間~~~ ^.^

仲有好多好多小合照~~~ ^.^ 

快樂不知時日過, 好快就夠鐘走喇!!!

臨走前, 小吉吉好熱情咁吻別珏霖呢, 哈哈~~~ 阿仔d反應真係好攪笑呢, 開頭好唔好意思咁縮縮縮, 跟住真係錫到就好唔好意思好醜怪咁嘅尷尬樣~~~ 哈哈!!! 唔知道小人兒係咪真係知道尷尬嘅呢??? ^.^  

好開心呀!!! tamama~~~ 多謝你咁快安排左encore呀!!! 而家睇番d相已經開始掛住d cheese cake喇~~~ ^.^

link番埋先~~~ 第時可以一次過睇番!!! ^.^

小吉: 21.12.2008 X'mas gathering @ Tung Chung ^_^

tama仔: x'mas gathering @ 東涌

蝦仔: 聖誕buffet爬地+做節

行行: 08聖誕玩不停 @ 21﹑22 dec (edited :P)

明德: X'mas Party(1)