救命.... 比人呃左.....

今日好笨!! 好waste時間!!

兩個人每人浪費左2個鐘頭, 即係總共240分鐘, 14400秒鐘!!

阿清? 點解你要害我地?? 老公你係咪得罪左佢呀??

事緣係老公今晚有師兄弟結婚, 攞左日假去飲!!

同事阿清送左兩張<父子>贈卷比我地!! 話都幾好睇, 郭富城又攞獎應該都唔錯，咁我地今日下晝去睇戲！

點知，又悶又長又唔係講父子感情！配樂又勁差，無啦啦好大聲播啲九唔搭八嘅音樂等等！嚇死！

再加上唔知點解要加幾幕咁長嘅情慾戲(三級片咩)，同唔知想點、飛左飛右及拖到好長嘅劇情!!

睇左一陣已經想走先，忍住，成日睇住隻錶，點解個半鐘都未完？好想攞個remote FF左去！唉！

結果竟然係兩個鐘頭先草草了結收塲，送你一個完住唔touching兼唔知想點嘅結果！

哎吔！返嚟即刻去yahoo!!電影睇下評論！22頁有9頁以上都係彈到暈！唉！

比５分嗰啲人係做媒定Aaron fans定當３級片睇呢？ 點解有得攞最佳男主角呢？

唉！我好少睇戲睇到咁嘔血！唔信你又去睇吓啦！