衰B做廳長

圖中瞓到傻左嘅係阿B頭!!

尋日老公返中, 佢霸住左我成日,  到11點幾12點老公返黎買宵夜比我食, 而BB無得食嘅時候, BB又唔lumlum, , 老公摸佢個頭時, 佢又想做我最唔鐘意佢做嘅野- 咬人!! 不過唔知道係咪一時衝動, 臨崖勒馬, 所以只係用啲牙掂到老公隻手指, 無真係咬親流血!!!

但係上次同Rosina一齊已經make 左agreement!!!!!!

咬人係NO GO嘅!!!如果再咬人就會lock佢入露台一晚, 而且一星期無零食!! 所以尋晚即刻打佢patpat, 然後佢自己就走左去露台(佢記得我地講過??), 我bang埋門唔理佢!!

跟住過左一個鐘頭, 我地打算瞓了, 老公話, 今晚得15度好凍喎, 一陣冷親佢就慘喇..., 不如淨係唔比佢好似平時咁入房瞓, 但開番露台門比佢啦!!

所以今朝就影到佢做廳長, 瞓梳化個樣!!

仲好似好嘆咁!!

老公話其實最慘嗰個係佢, 番左成日工, 12點終於放工返到屋企, 突然比阿B咬, 然後我打阿B, lock住阿b, 佢見阿B自己一個凍冰冰係出面又心痛, 然後我又唔lumlum, 唔識笑, 可憐個老公唔知道點好!!

好彩到最後我地pillow talk完都lum番!! 衰B, 我要快啲book trainer先得!!!