第3次見面^.^ - 手仔腳仔郁了

話說最早期book私家醫生時有人話荃灣胡醫生好, 又近屋企，所以打去book, 點知一book已經book到12月中, 當時咁心急當然無等個幾月啦！所以出左旺角睇！

時間過得好快，今日就係book左胡醫生嘅日子, 諗住試下呢個咁多人嘅醫生同再confirm多次預產期啦!! 所以就一早出發又去見baby喇!!

去到都真係幾多人呀！而且係要上一條好斜好直嘅樓梯去診所！如果大住肚自己行都幾危險！好彩有老公陪住！

入到完見醫生都好好人！傾左一陣又照baby了!! 不過姑娘又惡又無禮貌

今次見到d手仔腳仔郁呀, 好似毛毛虫咁!! 又見到心跳! 好lumlum!!醫生話應該9week幾了, 有2.6cm長了!! hehe!! 又大左1cm喇!! 可以分到頭、身同手腳！呢個醫生話應該係7月13日預產期喎!!

呢2幅係放大baby圖 & 經醫生講解後嘅daddy威想像而畫嘅圖

原本睇多個私家醫生諗吓會唔會轉嘅，不過設備都係黄醫生好啲！而且個姑娘令人好反感！所以應該不變都係出番旺角睇了！

胡醫生其實係好好人同好專業，應該換左啲姑娘同換部新啲大啲嘅ultra sound機！但佢已經多客到爆晒！我聽到而家book巳經book到出年１月中喇

我個oscar改左出年1月5日去威院做!因為預產期遲左!! baby出年見啦!!