上左報紙...

尋日舊同事上來整網頁, 一邊整一邊討論呢單<女 教 師 搣 面 扯 髮 體 罰 三 男 生>嘅報導!!

http://appledaily.atnext.com/template/apple/art_main.cfm?iss_id=20061213&sec_id=4104&subsec_id=11867&art_id=6615371

呢位女士當時只係對住一小班學生上緊<通識堂>, 得十二三個學生都咁勞氣?? 果然係EQ比較低(我地班衰野一向話佢EQ低低低)~~ !! 但無論啲學生係點曳, 都唔應該動手!!! 校長只係話﹕「 認 同 事 件 嚴 重 ， 校 董 會 將 商 議 向 她 發 出 警 告 。 」咁即是無事發生啦!! 無論如何都希望有人會得到應有嘅教訓, 唔好以為自己大晒, 想點就點啦!!!

睇完呢篇報導嘅人有兩派唔同嘅反應!!

(1)就係話老師無論如何都唔應該體罰學生, 其實有啲老師仲有呢個行為, 只係有啲家長無攪大件事, 只係暗中complain嘅話:「我自己都唔捨得打個女, 你因為少少事一巴打佢? 不過得罪班主任都無好結果....算啦」!!! 如果個個學生都好生性好乖就唔洗老師教啦! 學生都係人, 應該尊重同有商有量嘛!!! 動手又有乜用喎?

(2)另一方面, 有一派人話我地以前都比人打大嘅啦!!好少事啫!!! 某DJ(杜文x)在電台上話啲學生自己咁曳咁衰, 比人打完仲好意思返去同阿媽講??? 唉!! 如果比人打嗰個你你嘅仔女又唔知道你會點反應呢??? 我諗個校長可能都係咁諗, 所以無打算採取一啲應有嘅法律行動, 而個家長當日又無報警, 雖然有成十個學生做証人, 個個都睇到件事..., 但係都無乜可以做啦!

各位家長, 如果你啲仔女比老師打, 記住影低傷痕, 考慮報警!! 唔好比個會打人嘅老師覺得無問題, 繼續打人地嘅仔女呀!!!

你呢?? 你又認同邊派呀??